628 SALERNITANA

Reformatorum in suis uteris 9 Augusti 1896, praefatas mu- lieres defendit, tum quia ipsae incedunt sub proprio vexillo et cum habitu distinctivo Ordinis, nempe scapulari magno et cingulo supra vestes, tum quia ipsae solum associant con- sorores defunctas.

Disceptatio Synoptica

C O N T R A T E R T I A R I I S F R A N C I S C A L E S . Parochus localis obser- vat quod ratio procedendi harum mulierum, quae vario ritu saeculari vestitae, ostentationem et pompam in processionibus quaeritant, omnino adversatur tum spiritui et fini intento a S. Francisco in instituendo Tertio Ordine, quem propterea Tertium Ordinem Poenitentiae vocavit, tum variis Pontificum Constitutionibus, quae, in moderandis Tertiariorum regulis semper intenderunt fideles ad christianas virtutes colendas excitare, quod profecto, notat parochus, obtineri non potest ex agglomeratione praefatarum mulierum.

Sed, pergit parochus, praetentio Tertiariarum est etiam contra canonicam iurisprudentiam. Sane ex declaratione S. Congreg. R R . diei 31 Maii 1642 habetur : Rituale re- quirit, ut in processionibus, post Clerum, viri separatim a feminis incedant; et synodus Neapolitana celebrata an. 1882 comminatur suspensionem a celebratione missae parochis vel aliis ecclesiarum rectoribus, et est inter casus reservatos, permittentibus, ut mulieres cuiuscumque sint aetatis, clerum aut confratres in processionibus antecedant aut sequan- tur, etiamsi processiones in ambitu ecclesiae fiant. Idipsum demum erui dicit ex resolutione huius S. Congñis in Sypon- tina an. 1893 (1) quae Tertiariis permittit associationem funerum, sed cum proprio vexillo idest Cruce, brachiis can- cellatis et habitu Tertii Ordinis, pro adscriptis tantum, dummodo societas vocata fuerit ex dispositione defuncti, vel ab eius haerede; quibus conditionibus Tertiariae loci Serino non parent, iuxta parochum.

(1) Relata fuit in Vol. X X V I pag. 258.