Albert the Great, Commentarii In Psalmos

Dicit ergo: Virga tua virga est aequitatis. Sic bonum diligis, et malum odisti. Et " propterea, " ut scilicet talis esses, " unxit te Deus, Deus tuus, " nominativi casus:Vocativi, o Deus. Isa. lxii, 1 : Spiritus Domini super me, eo quod unxeritme. Act. IV, 27: Convenerunt adversus , puerum tuum Jesum, quem unxisti. " Oleo laetitiae, " ad differentiam olei bonae famae, de quo Cant.I, 2 : Oleum effusum nomen tuum. Misericordiae, de quo Luc. x, 34, Samaritanus effudit vulneribus sauciati vinum et oleum. Adulationis, Psal. cxl, a : Oleum peccatoris non impinguet caput meum. Communis omnium charitatis, Matth. xxv, 4: Prudentes acceperunt oleum in vasis suis cum lampadibus. Et hoc, "prae consortibus tuis, " tibi similibus in natura, et tibi participibus in gratia, quantum habent ex te. Joan.I, 16 : De plenitudine ejus nos omnes accepimus. Psal. CXXXII, 2 : Sicut unguentum in capite, quod descendit, etc. Gen. xxviii, 18 : Jacob lapidem erexit in titulum, fundens oleum desuper. Et Levit. viii, 12, Praeceptum fuit Moysi, ut oleo inungeret Aaron fratrem suum cum Pontifex fieret . Ex hac unctione dictus est Christus ", et nos omnes consequenter Christiani. Et inunctus fuit ut rex, ut sacerdos, ut pugil.

" Myrrha et gutta. " Hic quartum, in quo commendat sponsum ab habitu, et societate. Primo, ab habitu. Secundo, quia esse separatum indecens est a sponsae societate, ibi, " Adstitit Regina. "

In prima duo. Primo commendat ab habitu. Secundo, ab effectu consequenter ex illo, ibi, " Ex quibus delectaverunt. "

In prima duo. Est enim duplex habitus quo tegimur. Commendatur ergo primo ab illo, qui est vestis qua protegimur. Et est domus, a qua secundo, ibi, " A domibus eburneis. "

Dupliciter autem legitur primum : quia per vestimenta potest intelligi corpus Christi mysticum, vel verum.

Primo modo sic : Myrrha quae servat corpora a putredine, et amara est, id est, carnis mortificatio quae servat a putredine luxuriae, sicut dicitur Joel, I, 17 : Computruerunt jumenta in stercore suo. Sed carnis mortificatio ab hac servat : propter quod dicitur, ad Coloss.iii, 5 : Mortificate membra vestra, quae sunt super terram : fornicationem, immunditiam, libidinem, concupiscentiam malam. " Et gutta, " Ainmoniaca, sic dicta est a terra, et appellatur " gutta " nomine generali, quae desiccat et destruit omnem infla Iuram, et significat humilitatem quae destruit inflaluram superbiae. Haec est gutta de qua Eccli.XXIV, 21 : Quasi storax, et galbanus, et ungula, et gutta. a Et cassia. " Genus a romulum est, et crescit in locis aquosis, et odorem optimum evaporat, et significat Iidem, quae odorem bonae famae reddit. II ad Corinth x, 13 : Christi bonus odor sumus Deo. Et usque in caelum proficit et crescit. Ad Hebr. XI, 5: Fide Enoch translatus est, etc. Et in baptismi aquis nascitur. Haec, inquam, triaspirant" a vestimentis tuis, " a fidelibus tuis, qui sunt tuum vestimentum. Isa. xlix, 18 : Vivit Dominus, quiahis omnibus velut ornamento vestieris. Vel sic : " Myrrha, " id est, amara mortis tuae recordatio, " Et gutta, " molli ficans praedicatio, " Et cassia, " baptismatis aquae, fluxerunt " a vestimentis tuis, " a membris tuis in cruce extensis, quibus anima vestiebatur. Job, x, 11 : Pelle et carnibus vestisti me, etc. Et haec etiam sunt " a domibus eburneis, "id est, Sanctis, qui sunt domus, in quibus habitas. I ad Corinth III, 17 : Templum Dei sanctum est, quod estis vos. Sed domus eburnea propter castitatem. Est enim ebur frigidae naturae, et ex animali casto, scilicet elephante. Tales autem, scilicet eburneos oportet esse eos, qui sunt domus Dei. Sap.I. 4 : In malevolam animam non introibit sapientia, nec habitabit in corpore subdito peccatis.

" Ex quibus. " Hic effectus ratio, ex duplici habitu.

Ait enim : Sic spirant vestimenta tua sicut domus : " ex quibus " rebus, scilicet bonis odoribus, " filiae regum, " nobiles animae, Sanctorum filiae, vel ad litteram sicut Catharina, et aliae similes illeclae, " delectaverunt, " id est, delectabilem habuerunt" te : " et hoc, " in honore tuo, " non in aliquo sui commodo. Cantic. I, 2. : Adolescentulae dilexerunt te nimis.

Vel sic, ut hoc quod dicit, " In honore, " determinet illud quod dictum est, " filiae regum. " Quasi diceret : Illae quae sunt filiae regum : et hoc " in honore tuo, delectaverunt te, " sicut prius ex praedictis.

"Adstitit regina. " Hic commendat a societate sponsae decenter ornatae : et dicuntur duo. Primo monstratur in sponsa decentia debita. Secundo, in ornatu, pulchritudo et gloria, ibi, " In vestitu deaurato. "