6 3 0 DISPENSATIONIS MATRIMONII

(1) Clarissimus s. Vinculi adsertor, pro viribus matrimonii sanctitatem pro- tuendo, concessit in themate adfuisse coitum imperfectum ex arctitudine mu- literis, et ex corporali viri imperfectione. Attamen innixus Canonistarum et artis salutaris peritorum iudicio, evincere co- natus est, quod actum huiusmodi, utut imperfectum, sufficiens fuerit pro coniu- gio explendo. Nam constare sibi visum est, virile semen depositum fuisse in vagina mulieris, quae etiam veneream persensisset delectationem. Verumtamen id evenire nequivisse ex praesentia hy- menis in muliere, pene certum videtur. Nam hymen, qui cugium, clausti'um, si- gillum virginitatis appellatur, vaginae ostium a natura positus fuit. Ast nemo, clauso ostio, domum ingredi valet.

Ulterius, idem s. Vinculi defensor, progreditur, innixus auctoritati Profes- soris Hubert in Lovaniensi Athenaeo; qui autumat se parere conspexisse ali- quas mulieres,quibus hymen integer erat. Et ideo censuit vinculi adsertor matri-

monium consummari posse etiam absque hymenis laceratione. Sed notandum ve- nit quod, quidquid sit de his casibus, hi tamen sunt omnino extraordinarii. Et iudex ad normam leq. Nam. f. de legi- bus, conformare debet iudicium suum ad ea quae frequenter accidant, non ad ea quae raro eveniunt.

In themate, quum vir quasi erectio- ne careat, nullimode potuisset per lacu- nas naturales hymenis eiaculare semen, ceu Doctor Hubert evenisse supponit,quo- ad mulieres a se perspectas, quae, inte- gro hymene, pepererunt. Hinc rite as. C. Congregatione dispensatum fuisse matri- monium dicendum est, utpote tantum ratum et non consummatum ; quum cau- sae rationabiles etiam adessent pro hu- iusmodi dispensatione. Parcant, pro vi- ribus adprecamur, lectores, si aliquando ingratuin et lubricum percurrimus iter, dum studemus in propatulo ponere ar- gumenta, quibus s. Congregationis inni- titur data resolutio.

V. Quamvis existentia hymenis ex nonnullis artis medicae peritis, singulis in casibus haberi nequeat ceu virginitatis in- dicium, eo quod aliquando foecundatio locum habuerit integro hymene , ordinarie tamen mulieris integritas demonstratur per existentiam hymenis , qui sigillum virginitatis appellatur.

VI. Quamobrem discrimen inter coitum completum, (per quem una caro fiunt coniuges, ex sexuum commixtione) et coitum in- completum, in hoc positum esse videri, ut in isto deficiat se- minis eiaculatio intra mulieris vaginam, a praesentia hymenis praepedita.

VII. Inter causas quibus matrimonium ratum dispensari valet, cooptari incontinentiae periculum, animorum alienationem, et impotentiae dubium; quod si adducatur ad dispensationis gratiam obtinendam, certam non exigit probationem, sed quae adeo probabilis sit ut R. Pontifex illam veram existimare possit.

VIII. In themate coitum imperfectum adfuisse videri ex ine- ptitudine viri; eoquod prolificus liquor minime depositus fuerit intra vas aut in vagina, sed extra vas, seu in parte quam ve- stibulum periti appellant, (1) ideoque ratum permanere matri- monium , quia coniuges una caro haud facti sunt.