638 EX S. O. RITUUM

RUTHENEN. beatificationis et canonizationis ven. Servae Dei Mariae Guileimae Ae- miliae De Rodat fundatricis congregationis sororum a S. Familia.

S U P E R DUBIO

An constet de virtutibus Theologalibus Fide, Spe, Caritate in Deum et proximum, nec non de Cardinalibus Prudentia, Iustitia, Fortitudine ac Temperantia earumque adnexis in gradu heroico in casu et ad effectum de quo agitur.

Singulari Dei providentis consilio factum est, ut per hos dies quibus apud ipsas gentes, quae humanitatis cultu atque etiam catholico gloriantur nomine, nequicquam reclamantibus bonis omnibus, benemerentissimis Familiis religiosis aere bel- lum infertur, publice per Apostolicam Sedem honori et memo- riae prospiciatur eorum qui ex iisdem Familiis vitae sanctitate atque insigni meritorum laude admirabiles extiterunt.

Hos inter merito accensenda est virgo illa fortissima de christiana puellarum institutione deque omni fere humanae vi- tae conditione optime merita Maria Guilelma Aemilia de Rodat Instituti Sororum a S. Familia Mater legifera, cui ad honores Beatorum Caelitum paratur ascensus.

Ortum habuit in pago Druelle in Gallia prope civitatem Ro- dez ex honestis piisque parentibus. Infantilia in oppidum Ginals ducta sedulae aviae curis ita respondit, ut uberior ex tenera illa aetate fructus desiderari non posset. In pietatem prona ac divini amoris aestu succensa, a mundi illecebris aliena, patientia et lenitate excellens etsi fervidiorem indolem sortita, in egenos benefica, magnam de se expectationem excitavit praeclaris animi dotibus ac virtutum praesentia. Nacta occasionem anni sacri MDCCCIV innoxium corpus mira austeritate coercuit. Chri- stianae propagandae fidei cupidissima, ac mire studiosa divinae gloriae, salutisque communis ad futurum caritatis ministerium viam -quodammodo stravisse visa est adscitis sibi sociis puellis aliquot, quibuscum de Deo ac caelestibus rebus crebro diuque colloqueretur.

Annos nata decem et octo monasterium ingressa est cui nomen a matre Saint-Cyr ubi munus diligentissime obivit Fi- dei rudimenta tradendi puellis, easque ad sacrum convivium