644 LITTERAE

Equidem gratum habemus facimusque plurimi tale officium humanitatis cum iudicii aequitate coniunctum. Memoria autem vetera repetentes utique diversamur apud vos animo per hos dies, reique tam utiliter a Nicolao V. Pontifice maximo insti- tutae cogitatione delectamur. Quo quidem instituto certe ma- gnus ille decessor Noster de Scotorum genere immortaliter meruit; praetereaque et ipse in aperto posuit, romani pontifi- catus virtutem in elegantiam doctrinae, in studia irtgenuarum artium, quibus maxime rebus alitur humanitas gentium, ad in- crementum suapte natura influere. Cetera istud maiorum disci- plinarum nobile domicilium constanter florere cupimus saluta- rium ubertate fructuum et gloria nominis: Deumque omnipo- tentem comprecamur, ut doctos labores vestros omni in genere ad veritatem dirigere, vosque universos perfecta Nobiscum ca- ritate coniungere benigne velit.

Datum Romae apud S. Petrum die IX Iunii Anno MDCCCCL Pontificatus Nostri vicesimo quarto (1).

LFO PP. X I I I .

(1) Pontifici Maximo Viro Sanctissimo Reverendissimo Eruditissimo Leoni XIII Universitas tota Glasguensis Cancellarius Rector Professores Graduati Studentes Salutem.

In multo nostro gaudio - quippe mox ferias saeculares celebraturis - illud potissimum gratis animis recordari libet quod amplam hanc Universitatem, copiis omnibus hodie ingenii atque operum instructam, ab ipsa Sede Apostolica profe- ctam, et cum amantissima Pontificis Maximi commendatione institutam, a maioribus accepimus.

Doctissimus enim ille Pontifex, Nicolaus Quintus, anno incarnationis Domini- cae millesimo quadrigentesimo quinquagesimo primo, summum suum in Scotos atque artes amorem praeferens, luminibus ipse omnibus et ingenii et liberalium artium illustrissimus, Studium apud nos Generale institui, et doctores magistros studentes- que nostros liberlatibus omnibus quae in Studio civitatis suae Bononiensis conces- sae fuerant, gaudere atque uti voluit.

Quod tantum beneficium cum sicut pia filia matri carissimae acceptam refe- ramus, illud nos decere arbitramur, ut Sanctitatem tuam participem fore nostri gau- dii speremus, meritasque Sedi Apostolicae grates pro tanto merito proferamus.

Oramus igitur ut hanc nostram felicitatem auctoritate tua cumulare digneris; et si per tempora haec iniqua, per tot maris et viarum difficultates non poterit fieri tit Beatitudo tua adsistat feriantibus, optamus saltem fore ut per alium quemdam benevolum tuum in nos animum signifiées, et Universitatem hanc nostram, ab eru- dito Nicolao erectam, a Iacobo Scotorum rege fotam, a Gulielmo Episcopo Glas- guensi curatam atque defensam, a multis denique regibus noslris multis auctam be- neficiis, eruditissimus ipse, litterarumque Latinarum cultor elegantissimus, pro hu- manitate tua amplificare velis, atque ad nova usque saecula commendare.

Dabamus Glasguae, Idibus Maiis, MGMI. R. HERBERT STORY

Praefectus et Vice-Cancellarius.