LITTERAE APOSTOLICAE 665

male dicitur, et quo fideles respectivae dioecesis seu regionis ab Apostolica Sede donantur ; ideoque carnibus, ovis et lactici- niis vesci possint omnibus diebus ab Ecclesia vetitis, exceptis quoad carnes diebus in superiori paragrapho xii notatis.

XIV. Ut quandocumque in causis tam criminalibus quam, aliis quibuscumque forum ecclesiasticum concernentibus a sen- tentiis pro tempore latis appellari contigerit, si prima sententia ab Episcopo lata fuerit, ad Metropolitanum; si vero prima sen- tentia lata sit ab ipso Metropolitano, ad Ordinarium viciniorem absque alio Sedis Apostolicae rescripto appelletur: et si secunda sententia primae conformis fuerit, vim rei iudicatae obtineat, et executioni per eum, qui eam tulerit, demandetur, quacumque appellatione non obstante ; si vero illae duae sive ab Ordinario et Metropolitano, sive a Metropolitano et Ordinario viciniore latae, conformes non fuerint, tunc ad alterum Metropolitanum vel Episcopum ei, a quo primo fuit lata sententia, viciniorem eiusdem provinciae appelletur, et duas ex ipsis tribus senten- tias conformes, quas vim rei iudicatae habere volumus, is, qui postremo loco iudicaverit, exequatur, quacumque appellatione non obstante. Cum autem recursus ad Apostolicam Sedem etiam omisso medio, sive ante sive post sententiam iudicum in- feriorum, semper integer manere debeat, ad normam iuris, in usu huius privilegii omnino servandae erunt sequentes condi- t iones: I o Ut in singulis causis salva maneat cuique litiganti facultas ad hanc Apostolicam Sedem etiam post primam sen- tentiam recurrendi; 2° Ut in singulis actibus expressa fiat Apo- stolicae delegationis mentio; 3° Ut causae maiores sint eidem Apostolicae Sedi reservatae ad normam Sacri Concilii Triden- tini; 4° Et quoad causas matrimoniales ea custodiantur, quae in Constitutione Benedicti XIV, cuius initium « Dei miseratione », praestituta sunt.

Abrogatis deletisque Auctoritate Nostra Apostolica omnibus et singulis Indiarum Occidentalium privilegiis quocumque no- mine vel forma ab hac Sancta Sede prius concessis.

Contrariis quibuscumque etiam speciali et individua men- tione dignis non obstantibus.

Datum Romae apud Sanctum Petrum sub annulo Pisca- toris die solemni Paschae xviii Aprilis M D C C C L X X X X V I I , Pontifica- tus Nostri anno vigesimo.

A. Card. MACCHI.