PARISIEN. 667

metu reverentiali impulsa. Narrat enim Margarita a pueri- libus annis gravem animi aversionem fovisse erga Augustum, qui eius paternam domum frequentare solebat. Quapropter hisce propositis a matre nuptiis, statim illas respuit, aperte significans, se animum gerere erga Augustum vehementer alienum.

At mater propositi tenax, prouti nonnulli testes faten- tur, voluntatem filiae flectere volens, suasionibus, obsecra- tionibus, lacrimis, obiurgationibus Margaritam per plures menses obsedit. Ideoque puella, ut ipsa refert, persentiens se amplius matris voluntati obsistere non valere, quin eam gravissimo afficeret dolore, cessit quidem, sed omnino invita. Tunc nuptiae illico statutae fuerunt ac quam primum cele- bratae. Inito matrimonio, sponsa, si vera narrat, se devin- ctam viro putabat, solummodo specie tenus ob ecclesiasticum ritum, non autem reapse ex animi consensu.

Quare pluries derelinquere virum cogitavit, ac tandem, cum in dies mariti prodigalitas augeretur, ita ut fere totam eius dotem dissipaverit, post 8 cohabitationis annos illum deseruit ac Parisios apud parentes se recepit ; petens a tri- bunali civili bonorum separationem, quam facile obtinuit sub fine anni 1887.

Pluribus a separatione transactis annis, Margarita, uti narrat, domesticas aerumnas proprio confessario exponens, scivit ab ipso, matrimonium nullum esse, si consensus ore- tenus praestitus, metu reverentiali vitiatus esset.

Tunc Margarita mense Maio 1893 supplicem Emo Ar- chiepiscopo Parisiensi obtulit libellum, ut suum matrimonium nullum declararetur. Eodem fere tempore Margarita causam divortii apud laicum tribunal intentavit contra Augustum, quo obtento, eidem, liberalitatis causa, ut ipsa iurat, donavit 100,000 libellas.

Curia Parisien., accepto libello, cito causam instruxit, excipiens iuratas actricis, viri ac plurium testium deposi- tiones. Tandem Iudices delegati die 12 Iunii 1894, attento favorabili Theologi et Canonistae voto, declararunt nullum