676 ARETINA

Equidem in isto decreto cavetur de tertia parte redituum in distributiones arbitrio Episcopi assignandus, et nulla fit mentio et praeservatio contrariae consuetudinis, quae ma- iorem iubeat partem redituum in distributiones impenden- dam, prouti fit in cap. 3, sess. 21; cuius tamen consuetu- dinis plena confirmatio , quippe respicit distributiones quo- rumcumque beneficiorum, sane attingit speciales quoque dis- tributiones quae desumuntur a beneficiis a, Massa communi distinctis. Diversitas enim tantum est in modo erogationis.

Consuetudinis vim quod attinet, forsan non est abs re advertere eius obligandi vim pendere ab errore quo labo- rabat Praepositus et alii canonici. Hi enim post tot con- certationes habitas sub ultima medietate saeculi decimi se- ptimi cum exitu tamen incerto quoad onera capitularia (quas concertationes canonici appellant in suis animadversionibus famose capitolazioni) veluti , mutua concessione , sibi as- sumpserunt gravia onera punctaturarum, sub ea tamen ex-

pressa vel tacita conventione ; nempe tempus trimestrium vacationum fieri immune ab onere punctaturarum. Hunc er- rorem iuris expunxit a moribus decretum S. C. C. a. 1 8 9 2 ; sed modo quaestionis est, an deficiente fundamento, corruat etiam omne robur consuetudinis quae illi innuebatur. Ce- terum voluntas se obligandi, utpote requisitum necessarium ad inducendam consuetudinem, si est conditioni adnexum, necessario sequitur eiusdem conditionis vices. - Praeposi- tus autem ius non amisit obiiciendi hanc exceptionem quam- vis alii canonici eadem exceptione noluerint uti.

Hisce animadversis, propositum fuit diluendum

D u b i u m

An decretum Episcopale sit confirmandum vel infirman- dum in casu.

R E S O L U T I O . Sacra C. C. re disceptata sub die 2 3 F e - bruarii 1 9 0 1 censuit respondere : decretum esse confirman- dum et ad mentem. Mens est ut Episcopus, si maior Ca- pituli pars id postulet, distributiones et punctaturas ad tertiam partem redituum in futurum, reducat.