NEAPOLITANA 677

formale iudicium instauravit apud iudices laicos, sed infau- sto exitu, quia sententia primae instantiae eius petitioni contraria fuit, quippe recognitum est titulum archiconfra- ternitatis valide collatum fuisse a competenti auctoritate, eumdemque necessario praecedentiam secumferre. Secundae instantiae iudices hactenus sententiam non dederunt.

Interim ad tot praecidenda scandala, iterum Archiepi- scopus institit apud Secretarium Brevium pro impetranda tituli, iam petiti, concessione ea conditione, ut in Rescri- pto expresse praeciperetur, praeeminentiae ius alternis annis a duabus Archiconfraternitatibus adhibendum esse sub poena interdicti incurrenda si huiusmodi lex violaretur. At Breve concesssionis obtentum fuit, quin, renuente SSmo Patre, haec clausula inserta fuerit.

Disceptatio Synoptica

Animadversum fuit quoad causae meritum, in proposi- tum prae oculis habendam esse dispositionem Concilii Trid. in Sess. 25 de Reg. cap. 13, quae ita habet: « Contro- versias omnes de praecedentia, quae persaepe maximo cum scandalo oriuntur inter ecclesiasticas personas, tam saecu- lares, quam regulares cum in processionibus publicis tum in iis quae fiunt in tumulandis defunctorum corporibus et in deferenda umbella et aliis similibus, Episcopus amota omni appellatione et non obstantibus quibuscumque, com- ponat ». Quare videtur Ordinarius in casu intentioni re- spondisse Concilii Trid. proponens conciliationis viam, iu- dicii evitatis ambagibus et expensis.

Ex adverso confratribus a SS. Rosario dictis, haec con- cordia non arridet, quippe autumant, se Archiconfraterni- tatis titulo iam auctos, iure praecedentiae pollere prae aliis omnibus confraternitatibus.

Ast huic intentioni non parvi ponderis momenta viden- tur obstare. Nam in primis in dubitationem adduci posset ipsum concessionis Rescriptum, quippe vitio subreptionis laborans. Archiepiscopus enim fatetur, se Brevium Secre-