680

LITTERAE CIRCULARES S a c r a e Congregationis Concilii ad Ord inar ios Amer icae

mer id ional i s de Seminar iorum regimine.

De clericorum seminariis agens S. Tridentina Synodus in sess. XXIII cap. XXIII de Reform., praescriptis pluribus, quae ad a lumnorum admissionem et ad religiosam et litterariam eo- rum educationem spectant, haec addit: « Quae omnia atque alia ad hanc rem opportuna et necessaria Episcopi singuli, cum consilio duorum canonicorum seniorum et graviorum, quos ipsi elegerint, prout Spiritus Sanctus suggesserit, constituent, eaque ut semper observentur saepius visitando operam dabunt ».

Pergens deinde ad ea quae oeconomicam administrationem respiciunt, statuit, ut « iidem Episcopi cum consilio duorum de capitulo, quorum alter ab Episcopo, alter ab ipso capitulo eli- gatur; itemque duorum de clero civitatis, quorum quidem al- terius electio similiter ad Episcopum, alterius vero ad clerum pertineat », omnibus provideant, quae ad collegii fabricam in- stituendam, ad mercedem praeceptoribus et ministris solven- dam, ad alendam iuventutem et ad alios sumptus referuntur.

Duplex itaque S. Synodus iubet adesse consilium in semi- nariis constituendis et regendis, alterum pro re disciplinari, al- terum pro temporali administratione, distincta personarum nu- mero, electionis forma ac officio; etsi nihil vetat quominus duo canonici, qui in coetu sunt consultorum pro re oeconomica, ipsi ab Episcopo eligantur et deputentur etiam p ro disciplina, dummodo muneris distinctio servetur.

Quae omnia quam sapienter ordinata fuerint, quisque facile intelliget qui secum reputet, quantum a prospero seminarii statu et a sana clericorum institutione profectus religionis pen- deat : unde duplicem hunc consultorum ordinem adesse, qui in seminariorum regimine et administratione Episcopis adsit sup- petias ferens, et in tanto pondere sustinendo eisdem opituletur, nonnisi prudentissima cautio ac saluberrima provisio est. Eo vel magis quod Episcopi aut visitatione dioecesis aut aliis ne- gotiis, quibus necessario debent intendere, ita saepe occupentur, ut sui seminarii curae indesinenter vacare, et omnibus per se et directe consulere, plerumque omnino impediantur.

Nec opponi potest, exinde Ordinarios in expedita pii insti- tuti gubernatione impediri; si quidem recepta regula est, a