EX S. C. RITUUM 685

Hic autem animadvertendum est, non esse instituendam comparationem inter

ritum octavae privilegiatae et ritum diei octavae in illam incidentis ; quia, hac

instituta comparatione, non solum dies octava celebranda esset infra quamcumque

aliam privilegiatam, sed eliam quodcumque duplex, et plura etiam ad minus semi-

duplicia. Dies namque infra octavam quamcumque, generatim loquendo, semidupli-

cis sunt ritus, imo et secundarii qualitate gaudent ; ergo infra eam de quocumque

duplici agendum esset, et etiam de semiduplici saltem primario. Sed comparatione

instituta inter ritum et ritum, tunc privilegio, quo octava ditata est, valedicamus

oportet ; quo admisso, iam quaestionis confinia excedimus. Privilegium enim in eo

consistit, ut de semiduplici infra octavam privilegiatam fieri possit, aliis exclusis festis

etiam superioris ritui ; ut proinde comparatio inter ritum diei infra octavam privilegia-

tam et ritum diei octavae locum habere nequeat. Ita ex. gr. dies infra octavam Epi-

phaniae sunt ritus semiduplicis, excludunt tamen omnia duplicia occurrentia, nisi sint

I classis. Frustra ergo in quaestionem adducerentur momenta superioritatis ritus in

festis occurrentibus, quippe quae, etsi potiora sint, excluduntur nihilominus ob pri-

vilegium octavae. Consequenter de semiduplici infra octavam semper erit agendum,

nisi aliquod duplex I ei. occurrat, contra quodcumque aliud festum duplex occur-

rens. Iam quaeri potest, si ex hypothesi, quae comprobari vi Rubricarum nequit,

ante festum Epiphaniae occurreret festum duplex cum octava, eiusque octava dies

incideret infra octavam sic privilegiatam Epiphaniae, de hac die octava celebrari

ne posset officium? Minime gentium, quia dies octava non est. duplex I classis. A

pari, si dies octava occurrat infra octavam Corporis Christi sic privilegiatam ut sola

duplicia I et II cl. admittat : videlicet, de ea die octava fieri nequibit officium, quia

dies octava neque dup. I, neque II classis est, quamvis II cl. magis quam 1 appro-

pinquet.

Quae tamen dicta sint generaliter, cum ceterum S. R. C. quando has octavas

privilegíalas indulget, ut plurimum innuit, praeter festa generaliter excludenda, ea

particulariter, quae celebrari praecipit. Ita Decretum in Asculana n. 2611 (4576) in-

dulget octavas ita privilegiatas SS. Corporis Christi et Assumptionis Deiparae, ut

fieri tantum infra illas possit de duplicibus I et II classis, infra octavam vero As -

sumptionis excipit etiam octavam diem S. Laurentii, de qua* vult ut officium fiat.

Equidem cl. Gardellinius in relativa adnotatione, docet hanc esse veluti regulam

generalem, quod tamen nequaquam ostendit, et contrarium praesenti Decreto asseritur.

Similiter Decretum 2688 (4680) indulget festum SS. Trinitatis cum octava

privilegiata, ita ut duplicia omnia pariter excludat, nisi I aut II cl. fuerint; vult

nihilominus ut de aliqua die octava festi octavam habentis, integrum celebretur

officium. Hanc quoque dispositionem particularem teneas; agitur enim de Indulto,

quod tantum concedit, quantum legislator vult. Sed generalem regulam solum De-

cretum praesens exhibet, uti ex toto contextu patet: adeo ut, quando aliqua octava

privilegiata a S. R. C. ita conceditur, ut de solis fieri possit duplicibus classicis,

dies aliqua octava, quae infra illam potest incidere, per integrum officium celebrari

non possit, sed tantum per commemorationem. Hac de ratione soluta ac demon-

strata, seu ex ratione liturgica seu ex auctoritate, quaestio in Ephemeridibus, cuius

solutionem prudenter distulimus, pro mense Aprili proposita.

Quoad utramque quaestionem. Ad VI. Vesperae fiant de Festo digniori cum commemoratione Festi dignitate inferioris.