EX S. C. RITUUM 685

rationes occurrentes, Collectis, ut supra, exclusis. Similiter in reliquis privilegiatis diebus Missae sint iuxta ritum diei, com- memoratione de Beato vel Sancto semper suo loco addita. Quod Praefationem spectat, serventur Rubricae.

III. In Ecclesiis, ubi adest onus celebrandi Missam Conven- tualem vel Parochialem cum applicatione pro populo, eiusmodi Missa de occurrente Officio numquam omittenda erit.

IV. Si Pontificalia Missarum ad thronum fiant, haud Tertia canenda erit, Episcopo paramenta súmente, sed Hora Nona : quae tamen Hora minor de Beato vel Sancto semper erit, substi- tui nihilominus eidem Horae de die pro satisfactione non poterit.

V. Quamvis Missae omnes, vel privatae tantum, impediri possint, semper nihilominus secundas Vesperas de Beato vel Sancto solemniores facere licebit absque ulla commemoratione: quae tamen cum votivi rationem induant, pro satisfactione in- servire non poterunt.

VI. Aliae functiones ecclesiasticae, praeter recensitas, de Ordinarii consensu, semper habere locum poterunt, uti Homilia inter Missarum solemnia, vel vespere -Oratio panegyrica, ana- logae ad Beatum vel Sanctum fundendae preces, Litaniae lau- retanae, et maxime solemnis cum Venerabili Benedictio. Po- stremo vero Tridui vel Octidui die Hymnus Te Deum cum Tan- tum ergo et Orationibus de Ssmo Sacramento ac pro gratiarum actione sub unica conclusione, solemniter decantandus, nun- quam omittetur.

VII . Ad venerationem autem et pietatem in novensiles Bea- tos vel Sanctos impensius fovendam, Sanctitas Sua, thesauros Ecclesiae aperiens, omnibus et singulis utriusque sexus chri- stifidelibus, qui vere poenitentes, confessi ac sacra synaxi refe- cti, ecclesias, vel oratoria publica, in quibus praedicta triduana vel octiduana solemnia peragentur, visitaverint, ibique iuxta mentem eiusdem Sanctitatis Suae per aliquod temporis spatium pias ad Deum preces fuderint, indulgentiam plenariam in forma Ecclesiae consueta, semel lucrandam, applicabilem quoque ani- mabus igne piaculari detentis, benigne concedit: iis vero qui corde saltem contrito, durante tempore enunciato, ipsas eccle- sias vel oratoria publica inviserint, atque in eis uti supra ora- verint, indulgentiam partialem centum dierum semel unoquo- que die acquirendam, applicabilem pari modo animabus in pur- gatorio existentibus, indulget.