EX S. C. RITUUM 691

i res testes de visu in hanc causam induxerunt, et contra, duos tantummodo superesse oportebat?

Pariter quid sit dolus maius vel fraus facile intelligitur. Tunc enim fraudis et doli mali probabilis suspicio incidit, quum aliquid in alicuius Dei Servi vita extet censura dignum, quod silentio tegendum sit. Re vera Ioanna Antida Thouret vitam -degit neque solivagam, neque una tantum in urbe vel oppido: bene vero in propatulo atque in omnium conspectu et in urbi- bus multis, ubi plurimis virtutum exemplis editis, iisque prae- claris, constantem, diuturnam atque universalem sanctitatis fa- mam adepta est. Virtutis suae iustos aestimatores, dum vixit, viros habuit, tum sanctimonia, tum dignitate praestantes.

At, dum vivebat Dei Serva (Censor opponit) acérrimos na- cta est adversarios, ideoque haud immerito suspicari poteris adeo in eiusdem provehenda causa Postulatores cunctatos fuis- se , donec illis e medio sublatis, ipsa, si fieri possit, factorum memoria tempore deleretur. - Quid ? In hoc iudicio tres testes, uti vidimus, de factis, quae suis ipsi oculis hauserunt, testati sunt: ceteri, omnes ad unum a testibus de visu vel ab aequa- libus Dei Ancillae notiones derivarunt; si quid igitur minus pro- babile in eius vita extitisset, id eos omnino fugere non poterat.

Ex iisdem fontibus reliqui omnes testes hauserunt : unde •clare patet nihil nota dignum, si foret, testium oculos celari potuisse.

Quod idem magis magisque erit tibi persuasum, quum •causas spectes cur Dei Serva adversarios nacta sit. - Ex Be- nedicti X I V sententia, « omnes Sancti et Sanctae Dei calumniis semper patuerunt, et illi praecipue, qui sanctiores et Ecclesiae fructuosiores fuerunt. Sanctus Sanctorum, Christus videlicet, ab hominum calumniis non fuit immunis... et eius exemplo viri probi persecutiones passi sunt... cum Paulus, Doctor gentium, •exagitatus fuerit veluti haereticus et criminosus, Stephanus tam- quam blasphemus in locum sanctum et legem ; cum de S. Atha- nasio dictum sit, quod stuprator fuisset et homicida; de S. Ba- silio, quod esset ambitiosus et superbus; de S. Ioanne Chriso- stomo, quod arrogantia tumeret; de S. Hieronymo quod esset violentus et haereticus; de S. Augustino, quod esset auctor novorum de gratia dogmatum ; de S. Bernardo, quod esset pseudo-propheta. Sunt enim haec opera diaboli, teste S. Cy- priano ». Porro ait Iesus: «Bea t i eritis, cum adversum vos,