694 GADITANA SEU SANTANDARIEN.

que vel sex religiosis, dum in praefata dioecesi, attento cleri defectu in multis paroeciis etiam parochus deficit. Itaque merito reiectam esse Cappellaniae fundationem : Episcopus Gaditanus liberaliter potuisset exequi dispositiones fratrum Igoreda et Balbas, sed modum satius duxit proponere quo erigendae fundationes essent sub vigilantia et directione re- ligiosorum Maristarum et Filiarum Charitatis.

Tandem Episcopus Gaditanus sequentem subiicit animad- versionem. Iuxta testamentum Petri de Igoreda duae tantum fundari debent scholae, ambae in oppidulis Santibanez et Correjo, pro pueris una, pro puellis altera: sed praeter has idem Episcopus aliam puellarum scholam in villa Cabezón de la Sal fundavit, quae quidem schola regitur a sex Filia- bus Charitatis et cui ex ipso Cabezón de la Sal aliisque po- pulis conveniunt ducentae et quadraginta alumnae. Attamen de hac schola, qua absque ullo iure gaudet Cabezón de la Sal, omnino atque malitiose Municipium, ceterique Episcopi Gaditani detractores tacen t.

Quoad vero pium legatum Dominae Petrae Igareda, si adhuc non fuit executioni mandatum, neque Episcopus Ga- ditanus , neque ceteri testamentarii executores sunt redar- guendo Non Episcopus Gaditanus, quia ei non adhuc fuit tradita legata summa libellarum 120,000 pro erectione scho- lae in Cabezón de la Sal ; non testamentarii executores, quia dictam summam iam deposuerunt apud mensam nummula- riam Hispaniae. Retardationis culpa tota recidit in hodier- num Episcopum Santanderiensem, qui arbitrarie Cappellaniae fundationem exigit. Hisce utrinque discussis, subiectum fuit resolutioni sequens

Dubium

Quomodo Rmus Vincentius Calvo et Valero Episcopus- Gaditanus adstrictus maneat ad exequendum pias disposi- tiones in casu?

R E S O L U T I O . S. Congregatio Episcoporum et Regularium, re mature discussa, sub die 2 Aprilis 1897 respondit: