700

Corisopi ten. Beat i f icat ionis et Canonizat ionis ven. servi Dei Michaelis Le Nobletz

Sacerdo t i s e t Missionar i i .

Ex praestantibus doctrina ac religione viris, qui Christi Ec- clesiam illustrarunt atque, veluti clypeus, ab hostium telis atque incursibus defenderunt, in conspectu omnium adstat Michael Le Nobletz sacerdos et missionarius, cuius apostolicum studium et christiana sapientia haereticam pravitatem et Calvinianam luem ab Aremo rica propulsavit, illamque in veritate et iustitia coram Deo ambulare sategit. Apud castrum Keraudern in paroe- cia Plouguerneau et dioecesi Leonensi, minoris Britanniae, die 29 septembris anno 1577, e parentibus avita fide et gene- ris nobilitate conspicuis in lucem editus et baptizatus Dei Famulus, praesidio ac nomine Principis militiae coelestis roboratus fuit. A piissima nutrice, veluti altera matre, catholice institutus, vix septennis ab avúnculo, eoque defuncto a patre sacerdotibus di- cendi initiis imbuendus traditur, atque aetate decem annorum ad oppidum Ploudaniel missus ut humanioribus litteris vacaret; deinceps undeviginti annos natus Burdigali studia prosecutus est. Interea praesentissimam Deiparae opem pluries expertus, se caelestibus etiam divini amoris deliciis identidem fruebatur. Ad meliora charismata vocatus , atque Aginum profectus, in Collegio Pat rum Societatis Iesu in virtutibus et disciplinis pro- gressus est. Dum apud quosdam coniuges honestos habitabat, de ignominioso lapsu arguitur Dei Famulus, sed ipse vitae integer scelerisque purus ad Purissimam Deiparam Virginem confu- giens, eam patronam ac vindicem habuit ; atque ipsa adprecante, tres laureas virginitatis, doctrinae et despicientiae mundi Michael tunc impetrasse fertur. Inter sodales ma ríanos cooptatus, propriae perfectioni et aliorum saluti sedulam dedit operam qua plures Christo adhaeserunt, et ex his nobilis vir militaribus studiis inten- tus Petrus Quintinus Trecoriensis, qui dein Dominicanae Fami- liae se adscripsit. Burdigalam rediens superioribus sacrisque disciplinis diligenter peractis, adolescens divinae vocationi quam precibus et macerationibus promeruerat, obtempera vit. Namque a patre tentatus et ex discrimine victor evadens, paternam do- m u m reliquit. Illico, ipsius patris permissu, Parisios adiit, ubi

EX S. CONGREGATIONE RITUUM