700 EX S. C. RITUUM

tum humana iura in Gallia evertebantur, Ioanna Antida coe- nobium deserere et domum se recipere coacta fuerat. Iam in Deum iacta fiducia fore ut tandem aliquando tranquillatis re- bus posset coenobiticae vitae statum iterum libere amplecti, puerulis edocendis et infirmis curandis omnino se dederat, quum ex fama accepit haud procul Receveur Congregationem mulie- rum instituisse, eumque sororem suam Barbaram fuisse se- quutam. Eamdem Congregationem profitendi vehementer ac subito Ioanna desiderio exarsit, unde mutuum litterarum com- mercium inter eos ortum est. - Sed quam bona mente illae litterae fuerint conscriptae, non modo sacerdotis Receveur vita sanctissima declarat (causa enim de coelitum ei asserendis ho- noribus apud hunc sacrum Ordinem agitatur), sed etiam tem- poris adiuncta, quibus illae litterae scriptae sunt.

Attamen Censor ea qua praestat constantia et diligentia in sacris iuribus tuendis, victas dare manus recusat. Etenim in codice « Mémoire de pures vérités », adnotat haec verba com- prehendi : « alors le soeurs de Paris publièrent que nous étions des schismatiques » et queritur quod verba sequentia in hanc sententiam concepta « et elles ont toujours continué à le pu- blier » lituris suffusa sint. Damus : quid inde ? Poeta ille ceci- nit: « carmen reprehendí te, quod non - Multa dies, et multa litura coërcuit ». Quod probavit Cicero : « mendum scripturae litura tollitur ». Sufficit parumper in codicem illum leves fle- ctere oculos ut facile intelligatur postremis verbis signum adi- tum esse ex eodem atramento, quo documentum ipsum exa- ratum est, neque aliena postea manu verba illa fuisse sublata. Accedit quod Dei Serva haud erat omni arte scribendi peritis- s ima, scriptaque eius, quae nunc ex tan t , prima exempla fere omnia sunt , quae brutte copie vulgo appel lamus, omnibus modis interlineanda. Quod si saepe homines scientissimi in- comptis verborum comprehensionibus atrum signum allinere solent, quid de Ioanna Antida dicendum ?

Ceterum iniuriarum, quibus in exordiis Sodalitatis a se conditae Sororibus Parisiensibus affecta es t , plenae sunt insti- tuti historiae atque facile ab iis referendis abstinere possum. - Quo die Ioanna Antida codicem illum exarabat, non adhuc in- iuriae cessaverant. Iussa a moderatoribus res uti erant expo- nere, ne verum abderet neve ab obedientia deflecteret, ubi pri- mum scribere aggressa est, libero calamo laxa vit habenas. Sed