EX S. C. RITUUM 701

hortante Patre Cotton, viro sapientia et virtute claro, ecclesia- sticos ordines atque ipsum sacerdotium rite suscepit. Ad sa- cras missiones se comparavit in solitario recessu, prope mare ad Tréménach, integrum annum studio, orationi ac poeniten- tiae operibus impendens; atque in oppido Plouguerneau, sacrum ministerium inauguravi^ Missionarius in Montem-relaxum abiit, insulas Uxantem, Molevez et Bar invisit, atque in ora maritima S. Matthaei sede missionum constituta, ubique plures Deo adiu- vante, a licentiori vita retraxit atque ad christianam disciplinam perduxit. Postea Michael Corisopitum advenit et patrocinio San- cti Corrcntini primi Episcopi Corisopitensis n ixus , ipsa civitate et finitimis pagis villisque excultis, ad missionem occidentalis orae Cornu-galliae perrexit. Quinque et viginti annos in urbe Douarnez commoratus est, missiones iugiter agens , in quibus Famulo Dei adiutor fuit praedictus Pater Quintinus sacerdos professus Ordinis Praedicatorum, qui anno 1629 piissime obiit. Ea civitate relicta, omnibus collacrymantibus, Conquesti usque ad vitae exitum elaboravit, comitem curae ac laboris sibi adsci- scens Ven. Patrem Maunoir S. I. olim suum discipulum, dein- ceps haeredem et successorem in missionibus instituendis ad regulas ac spiritum Beati Patris Ignatii, prouti ipse Michael, Deo adspirante, pluries populo praenuntiaverat. Tandem Dei Famu- lus virtutibus mentisque decorus, lethali morbo affectus atque Ecclesiae subsidiis munitus, accepta ab ipso Ven. P. Maunoir extrema sacramentali absolutione, die quinta maii anno salutis millesimo sexcentésimo quinquagesimo secundo, aetatis suae quinto et septuagesimo, in pace Christi cuius passionis evange- licam historiam tunc audiens et recolens ipse recreabatur, san- cte quievit. Sacrum corpus mirifico fragrans odore, prouti fama refert, in sacellum S. Christophori ecclesiae ritu delatum fuit. Funere persoluto, adstantibus ex omni ordine fidelibus, qui ro - saría, numismata, lintea ad Michaelis exuvias admota secum asportabant, idem sacrum corpus ad Lochristum conditum et anno 1701 in honorificentiorem tumulum translatum, anno de- m u m 1858 in novo Conquesti templo rite et decore compositum fuit. Interim fama sanctimoniae, quam Michael vivens adeptus fuerat, post obitum clara , diffusa et usque ad haec tempora nunquam interrupta, maiora accepit incrementa ex quo sermo de causa Beatificationis introducenda evulgatus fuit. Hinc ador- nato Processu Ordinario in Ecclesiastica Curia Corisopitensi su-