Albert the Great, Commentarii In Psalmos

Dicit ergo : De iis non curo, haec renuo, sed " immola Deo, " mihi. Et loquitur de se tamquam de alio. " Sacrificium laudis. " Sacrificium dicitur, quasi sacrum factum. Ergo non erit laus sacrificii et laudis, nisi sit cum laude sanctitas laudantis. Unde Cassiodorus : " Iniit molat sacrificium laudis, qui a terrenis " vitiis fuerit mundatus. " Osee, XIV, 3 : Omnem aufer iniquitatem, accipe bonum : et reddemus vitulos labiorum nostrorum.

" Et redde. " Hoc ad orationem. Primo, in prosperis. Secundo, in adversis, ibi, " Et invoca me. "

Ait enim : Sic offer sacrificium laudis, et etiam " redde, " reilerando da. Redditio enim, reiterata datio. Isa. XXIII, 16 : Bene cane, frequenta canticum. " Vola tua, " id est, oblationes voluntarias et laudes, " Altissimo. " Psal. XXI, 26 : Vota mea reddam in conspectu timentium eum. Invitat autem ad laudandum Deum. Primo, quia suum a Deo requiritur : cum enim laudamus eum, de suo ei servimus. Augustinus : " 0 sacrifi-" cium gratuitum I Non quidem hoc " emi quod offerrem, sed tu donasti. " Isa. xlii, 5 : Dans flatum populo qui est super eam, scilicet terram, et spiritum calcantibus eam. Ego Dominus, hoc est nomen meum. Secundo, non difficile procuratur, quod Dominus requirit. Augustinus : " Securi sumus : non " ibimus in Arabiam thus quaerere. Sa-I orificium laudis a nobis requirit Domiti nus. " Jerem.VI, 20 : Ut quid mihithus de Saba affertis? et calamum suaveolentem de terra longinqua? Item, facillime redditur. Quid enim facilius quam reddere sermonem, quem nullus tenere potest. Job, IV, 2 : Conceptum sermonem tenere quis poterit ? Job, XXXII, 18 : Plenus sum sermonibus, et coarctat me spiritus uteri mei.

" Et invoca me. " Hic orationem exigit in adversis. Quasi diceret: Non tantum in prosperis reddam vota, imo etiam " invoca me, " id est, intus voca. Quid enim prodest strepitus labiorum, si cor sit mutum, ut possit dici illud Isa. XXIX, 13, et Matth. xv, 8 : Populus hic labiis me honorat, cor autem eorum longe est a me. Et hoc, " in die tribulationis, " stimulantis te ut me invoces. Gregorius : " Os quod prosperitas clauit dit, adversitas aperit. " Unde in Psal. CXIX, 1 : Ad Dominum cum tribularer, clamavi, et exaudivit me. Osee, VI, 1 : In tribulatione sua mane consurgent ad me.

Et dicit, " in die tribulationis, " non in nocte, quia tribulatio bonis est dies, et ipsos illuminat. Isa. XXVIII, 19 : Vexatio intellectum dabit auditui. Et non invocabis sine fructu : quia " et eruam te, " ne diuturna tribulatione fatigeris. Psal. cxxiv, 3 : Non relinquet Dominus virgam peccatorum super sortem justorum. " Eruam, " inquam, " te. " Primo, a carnis propriae infestatione, Ad Galat.v, 17 : Caro concupiscit adversus spiritum,et spiritus adversus carnem. A qua liberari quaerebat, qui dicebat, ad Rom. vii, 24 : Infelix ego homo, quis me liberabit de corpore mortis hujus ? Et a miseriarum hujus mundi multitudine, de quibus Eccli. xl, 4 : Ab eo, qui utitur hyacintho, et portat coronam, usque ad eum, qui operitur lino crudo: furor, et zelus, tumultus, fluctuatio, et timor mortis, iracundia perseverans, et contentio. De quibus septem,Isa. IV, 1: Apprehendent septem mu-lieres virum unum. Sed ab illis liberat, Job, v, 19 : In sex tribulationibus liberabit te, et in septima non tanget te malum. Item, ab alterius saeculi infelicitate. De hac ereptione, Psal. xc, 15 : Eripiam eum, a purgatorio et inferno. Ab inferno, ne ibi sit: a purgatorio, si ibi fuerit.

" Et honorificabis me. " Ecce gratiarum additio. " Honorificabis, " inquam, perpetuo laudando in caelo cum illis de quibus alibi, in Psal. lxxxiii, 5 : Beati qui habitant in domo tua, Domine, in saecula saeculorum, etc. Et etiam in praesenti alios per bona opera ad mei laudem et gloriam invitando. Matth. v, 16 : Videant opera vestra bona, et glorificent Patrem vestrum qui in caelis est. Isa. LI, 3 : Gaudium et laetitia invenientur in ea, gratiarum actio, et vox laudis.

" Peccatori autem dixit Deus. " Hic secundum totius hujus partis, quae tertia est in toto Psalmo, in quo interdicit hoc obsequium malis : et dicuntur tria. Primo, de usurpatione laudis increpatio. Secundo, culparum peccatoris increpati commemoratio, ibi, " Tu vero odisti. " Tertio, gravis comminatio, ibi, " Arguam te. "

In prima duo. Primo increpat de usurpatione Novi. Secundo, de usurpatione Veteris Testamenti, ibi, " Et assumis. "

Dupliciter autem potest continuari. Primo modo, sicut supra dictum est, " immola Deo sacrificium laudis. " Sed cui dictum est: Numquid bene cantantibus, et male viventibus ? Non. Acute, quia,"peccatori dixit Deus, " non populo suo. Unde," Audi, populus meus. " Sed quid non suo ? Ecce : Peccatori autem dixit Deus, " non populo suo : " Quare tu enarras justitias meas, " praedicando, et non faciendo eas, secundum illud

Matth. xxiii, 3 : Dicunt enim, et non faciunt. Posset respondere peccator : Triplici ratione hoc facio. Primo, quia hoc mihi ad salutem sufficere credo. Augustinus : " Dicunt: Non perdat nos Deus, " per quorum os tanta voluit bona proci pinquare. Sed falleris. " Matth. VII, 22 et 23 : Multi dicentmihiinilla die: Domine, Domine, nonne in nomine tuo prophetavimus ?... et tunc confitebor illis : Quia numquam novi vos : discedite a me, qui operamini iniquitatem. Exemplum de Balaam, qui prophetavit pulcherrimam prophetiam : et de Caipha, qui praedixit tam utilem . Item, quia malitiam meam occultare quaero. Chrysostomus super Matthaeum: " Sacerdotes populo mandant " omnem justitiam, et ipsi nec modicum " servant, non ut facientes servire Deo " sint justi, sed ut dicentes appareant " justi. " Genes. iii, 7 : Cumque cognovissent se esse nudos (non esse illis vestimenta, de quibus in Psal. CXXXI, 9 : Sacerdotes tui induantur justitiam) fecerunt sibi perizomata, ad tegendum suam turpitudinem, de foliis ficuum, id est, verbis Scripturarum filii Adam. Item, quia illis mihi temporalia acquiro. Gregorius : " Ideo contemptum temporalium praedi-" cant, ut ea soli habeant. Nam pauper-" tatem praedicant ut medicamentum, sed " eam fugiunt ut venenum. " Michaeae,iii, 11 : Sacerdotes ejus in mercede docebant.

" Et assumis, " praesumendo, " testamentum meum, " Vetus, " per os tuum. " In assumptione notatur praesumptio. Cassiodorus : " Assumere praesumptio-" nem significat, secundum illud Eccli. " xviii, 10 : Vidit praesumptionem cordis " eorum quoniam mala est. " Testimonium meum sanctum, Ad Rom. vii, 12 : Lex sancta, et mandatum sanctum : qui facit contra prohibitionem, peccat. Sic ergo habetur quod praedicator peccat, si praedicat dum est in peccato mortali. Dicunt aliqui, quod verum est de omni si sit in aperto peccato : si autem sit in occulto, potest. Item, si in aperto, et incumbat ei ex officio, dicunt aliqui quod potest. Alii dicunt, quod non.

" Tu vero odisti. " Hic commemoratio culpae ejus, cui interdicitur praedicatio, et commemorat plures. Prima, boni detestatio. Secunda, mali delectatio, ibi, " Si videbas furem. " Tertia, erronea de Deo existimatio, ibi, " Existimasti inique. "

In prima duo. Primo, detestatio correctionis mali quae valde mala est. Secundo, detestatio instructionis boni, ibi, " Et projecisti. "