703

DUBIUM quoad S. Ordinat ionem.

Sacerdos regularis humillime implorat a S. Vestra solutio- nem dubii, quo iamdiu angitur circa validitatem propriae ordi- nationis ad presbyteratum. Quum enim in tactu instrumentorum usus ipse non fuerit digito indice et medio, sed indice et pol- lice prius tetigit calicis cuppam ; at quum Episcopus deinde for- mulam proferebat, tetigit patenam solummodo cum hostia super calice. Proinde quum omnia haud processerint iuxta Pontificalis praescriptionem et theologorum sententiam, orator, pro tran- quillitate suae conscientiae, quaerit quid dicendum sit de vali- ditate suae ordinationis.

Feria IV, die 17 Martii 1897.

In Congregatione Gen. S. R. et U. Inquisitionis habita ab Emis ac Rmis DD. Card. in Republica christiana adversus hae- reticam pravitatem Generalibus Inquisitoribus, proposito supra- scripto dubio praehabitoque RR. DD. Consultorum voto, iidem Emi ac Rmi Dñi respondendum mandarunt :

Orator acquiesçât. Sequenti vero die ac feria, facta de praedictis relatione SS.

D.N. D. Leoni Div. Prov. Papae XIII in solita audientia, R. P.D. Assessori impertita, Sanctitas Sua Emorum Patrum resolutionem approbavit.

I. Can. M A N C I N I S. R. et U. I. Notarius.

DUBIUM quoad S. Ordinat ionem.

Sacerdos humillime implorat a S. Vestra resolutionem dubii, quo angitur circa ordinationem suam ad sacrum presbyteratum. Quod dubium ex hoc originem duxit, quia in traditione instru- mentorum non omnia processerunt ad praescriptum Pontifica- lis; nam quum orator tetigerit patenam cum hostia super calicem positam, tangere calicem non valuit, quamvis digito id facere conatus sit.

Feria IV, die 17 Martii 1897.

In Congregatione Gen. S. R. et U. Inquisitionis habita ab Emis ac Rmis D. D. Cardinalibus in rebus fidei Generalibus Inqui- sitoribus, proposito suprascripto dubio praehabitoque Rmorum DD. Consultorum voto, iidem Emi ac Rmi Dñi respondendum mandarunt :

Orator acquiescat.

EX S. CONG. S. R. U. INQUISITIONIS