706 BARCINONEN.

Tribunali Metropolitano, sive in Sacra Rota Matritensi, mulier in sua obstinatione permansit, et, elapsis iam qua- draginta quatuor annis!, adhuc permanet.

Infelix autem vir, ob iniustam mulieris tenacitatem et calumniosam impotentiae insimuiationem, corde et animo fractus, in laqueum incidit diaboli, et adulterinam cum mu- liere soluta coniunctionem perfecit, ex qua sex filios habuit. Tandem facti poenitens, et propriae conscientiae ac filiorum legitimationi providere cupiens dispensationem a matrimonio rato et non consummato instantissime postulavit.

Disceptatio Synoptica

V O T U M T H E O L O G I . De capite impotentiae pauca dicenda occurrunt. Equidem, « secundum canonicas sanctiones et naturae rationem, qui frigidae naturae sunt, et impotentes, iidem minime apti ad matrimonium contrahendum repe- riuntur » (Sixtus V. C. Cum frequenter) : quod quidem minime locum habet in casu praesenti. Ab esse enim ad posse valet consequentia : vir siquidem cum alia muliere soluta commercium habuit adulterinum, ex quo sex filios habuit ; ergo non frigidus, sed potens erat et aptus ad ma- trimonium. Quod, etiamsi haud probatum fuisset, valeret principium praesumptionis : omnis enim vir, post aetatem legitimam, de iure praesumitur potens nisi de contrario constet, a fortiori si de perfecta eius partium structura, ut in casu praesenti, testimonium dixere peri t i ; imo in hu- iusmodi adiunctis censent Doctores haud intimae notae, mu- lierem statim et sine ullo processu repellendam esse. Qua- propter inanis foret in casu disquisitilo circa impotentiam viri anno 1850 a muliere adductam, nec probatam. Ergo de inconsummatione deque causis ad dispensationem suffi- cientibus agendum est. Ad quod, cum plus valeant testium depositiones quam doctrinales expositiones, data etiam oe- conomica praesentis causae conditione, quid de actibus re- sultet breviter pro posse dicendum. Hinc, omissis aliis, ait