BARCINONEN. 711

etiam quod pro causa praesenti quasi extraiudiciales dicantur, valent quae cum Ursaya diximus, et iudicialiter confirmantur in capite inconsummationis ex depositionibus ipsorum spon- sorum et testium in praesenti iudicio.

Causae ad dispensationem sufficientes multiplici ex capite habentur in casu. Siquidem Io existit inter coniuges odium implacabile, praesertim ex parte sponsae : unde sponsi facti sunt vel semper fuere heterogenei, et non immerito, elapsis 44 annis ab initis nuptiis, dispensationem ambo desiderant. Atqui causa haec vere canonica habetur, iuxta illud Clericati de Sacr. decis. 15, n. 17 : « Septima (causa) est, si coniuges essent inter se heterogenei, id est discordes animo, et ad invicem peterent dissolutionem rati matrimonii, ob eorum quietem ac pacem ». I I o Habetur etiam voluntaria et nimis protracta alterius coniugis dilatio ad reddendum debitum ; et hoc multiplici de ratione constituit causam canonicam, ut patet, a fortiori in casu praesenti ob denegationem debiti per annos 44 perdurantem. III 0 Habemus insuper non solum timorem magni scandali futuri sed scandalum existens re- parandum ; post initum scilicet matrimonium, sponsus a propria muliere iniuste derelictis, cum muliere soluta car- naliter vixit et plurimos ex hoc adulterino commercio filios procreavit : et in talibus adiunctis ex sententia Doctorum quasi duplex causa canonica habetur, alia ratione scandali ex separatione, alia ex capite concubinatus.

V O T U M C A N O N I S T A E . Duas sibi proposuit Consultor quae- stiones , scilicet : 1. An constet de matrimonii rati inter sponsos non consummatione ? 2. An sit consulendum SSmo super dispensatione matrimonii rati et non consummati ? priusquam theses, propriam-exprimentes sententiam propo- neret, principia et fundamenta quibus illas fulciendas esse putavit, praemisit, eo fine, ut unico possit intuitu de voti sui probabilitate iudicari, quin opus sit cuilibet ex postea adductis probationibus suum proprium et iuridicum fulci- mentum applicare.