BARCINONEN. 7 1 7

Difficilem profecto rem postulat Bonaventura. In con- fessis namque est coniuges per duos fere menses eodem in lecto concubuisse et pro viribus saltem Bonaventuram ma- trimonii consummationi operam navasse. Impotentiam autem ex parte viri excludunt sex suscepti, ut diximus, liberi ; et quoad Mariam, ipsa profitetur : ex testimonio medici nullo affici impedimento physico ad matrimonii consummationem.

Hisce in adiunctis probatio inconsummationis matrimonii absque specimine in corpore mulieris ab obstetricibus peracto res est apprime ardua. Ad rem Card. de Luca De matrim, disc. 9, num. 15 (ibi) : « Difficultas magna apud me erat quod ageretur de vidua quae cum viro iam dormierat, ideoque non agnoscebam quomodo convinci posset negativa consummationis matrimonii, licet enim id non sit omnino impossibilis iustificationis, attamen videtur nimium difficilis, adeo ut sit difficultas, quae quodammodo fraternizet cum impossibilitate ».

Haec dicenda erant ut ictu velut oculi E E . VV. perspi- ciant num argumenta ex adverso in medium allata tanti valeant, ut magnam illam difficultatem fraternizantem cum impossibilitate removere queant. Sed diutius his immorari refugit animus, quia doleo et vehementer angor, cum videam controversiam per quadraginta septem ferme annos perdu- rasse in tantam animarum perniciem.

Hisce in utramque partem animadversis, propositum fuit diluendum

Dubium

An consulendum sit SSmo pro dispensatione a matri- monio rato et non consummato.

R E S O L U T I O . Sacra C. Concilii, re disceptata sub die 20 Februarii 1897, censuit respondere : Affirmative.