724 V A R S A V I E N .

collusione... eamdem negent (coniuges) collusionem. » Et Rota in Bononien. Nullitatis Matrimonii 15 Iunii 1876 § Et licet, coram Vicecomit.

Deveniens deinde patronus ad confirmandum, utrumque coniugem praeclara probitate et religione fulgere, aliquas in medium profert depositiones testium septimae manus ex utroque latere, ex multis in summario relatis.

Notat insuper patronus, testes confirmare coniugum de- positiones nedum generice, asserendo nempe illorum depo- sitiones esse fide dignissimas, sed et nonnullos fateri, se tempore non suspecto scivisse matrimonium consummari non potuisse, et ideo dissensus et inimicitias exortas fuisse inter coniuges. Id praesertim confirmat soror germana viri, aliique.

Cum igitur, arguit orator, testes septimae manus ab utraque parte producti, nedum generice fateantur, coniugum depositiones summam fidem mereri, sed et plures asseverent, se, tempore minime suspecto, scivisse matrimonium consum- mari non potuisse, et insuper aliqui addant id evenisse ob impotentiam viri, stat ipsa rupe firmius, matrimonium rea- pse nunquam consummatum fuisse.

Nec aliquid referre dicit quod inter testes aliqui coniu- gum consanguinei et affines recenseantur. Nam in primis translatitium in iure est, testes formiter examinatus et iu- ratos plenam probationem conficere cuiuscumque sint con- ditionis et qualitatis, ut docet Rota, in Meievitana Sepa- rationis thori, 14 Iulii 1817 cor. Serlupi § 6, et in Romana seu Veliterna, Pecuniaria, 20 Ianuarii 1817, cor. Cesarei et 4 Iulii eiusdem anni cor. Serlupi. Animadvertit prae- terea orator hoc peculiare esse matrimonialibus causis, quod parentes ac consanguinei in actibus clandestine fieri solitis non solum recipi possunt ad testimonium dicendum: verum praeferantur, quia de rebus agitur, quae alioquin resciri nequeant. Atque id prae ceteris valet in causis de nullitate matrimonii,^praesertim ex impotentia vel de inconsumma- tione. Ita Cosci op. cit. lib. 2, cap. 8 § 13.

Itaque, dicitJadvocatus, ex concordibus et iuratis qua-