Albert the Great, Commentarii In Psalmos

Dicit ergo : Sic, Domine, rogavi pro me, sed etiam rogo pro omnibus electis tuis, cum quibus affecto esse. Unde, o " Domine, benigne fac. " Vel sic: Ita tibi placet sacrificium spiritus contribulati, et cordis contriti: et hoc ut tibi fiat, o " Domine, benigne fac, " Filium mittendo, peccata dimittendo. Joan. I, 29 : Ecce Agnus Dei, ecce qui tollit, etc. Ecce benigne: quid enim benignius Agno ? Ecce qui tollit peccata mundi. " Sion, " id est, Ecclesiae militanti. Sion enim, sicut frequenter dictum est, specula interpretatur, locus de quo longe prospicitur. Et Ecclesia de longe valde videt. Isa. xxxiii, 17: Oculi ejus cernent terram de longe. Et haec non nostris meritis, " sed in tua voluntate. " Dan. IX, 18 : Neque enim in justificationibus nostris prosternimus preces ante faciem tuam. Et insuper " aedificentur " in nobis per fidem, spem, et charitatem, non in nobis existentibus, " muri Jerusalem " caelestis in futuro. Isti muri sunt immortalitas, et omnimoda impas- sibilitas. I ad Corinth. xv, 52 : Morini resurgent incorrupti: et nos immutabimur, scilicet in melius. Oportet enim corruptibile hoc induere, etc. Hi sunt muri de quibus Isa. lvi, 5 : Dabo eis in domo mea, et in muris meis locum.

a Tunc acceptabis. " Hic secundum, in quo promittit sacrificium et venerationem. Primo, oris. Secundo, operis, ibi, " Oblationes et holocausta. "

Legitur autem tripliciter in Glossa : quia sacrificium justitiae potest significare futuram laudem, aut praesentem virtutem, aut Christi passionem.

Primo modo sic: Cum aedificati fuerint muri, sancti scilicet immortales, et incorruptibiles effecti, " tunc acceptabis, " id est, acceptum habebis, " sacrificium justitiae, " id est, justae laudis tuae, id est, laudis tibi debitae. Psal. lxxxiii, 5 : Beati qui habitant in domo tua, Domine, etc. Sacrificium quidem paenitentiae, quod relaxat peccata, non cantatur : sed tunc cantabitur sacrificium justitiae unicuique reddentis quod meruit. Tunc implebitur perfecte illud Psal. xlix, 23 : Sacrificium laudis honorificabit me.

" Oblationes et holocausta. " Hic venerationem operis, ab Angelis, quorum ministerium est offerre non materiales arietes, sed homines.

Ait enim : Sic acceptabis laudes et oblationes minorum tibi ab Angelis oblatorum, " Et holocausta, " majores sanctos, totos igne divino succensos, in illo caelesti camino, caelo scilicet empyreo. Et tunc illi Angeli" imponent super altare tuum vitulos, " mediocres. Et appellat altare caelum empyreum : altare enim dicitur, quasi alta ara, et illud altum est. Eccli. I, 2 : Altitudinem caeli...quis dimensus est ? Ara autem dicitur ab ardendo : et ibi est ardor continuus. Hinc enim dicitur empyreum, ab iv, quod est in, et V?, quod est ignis, quasi in quo est ignis. Isa. XXXI, 9 : Ignis est in Sion, et caminus in Jerusalem.

Vel sic, secundo modo : aedificentur muri Jerusalem, id est, Ecclesia militans. Et " tunc acceptabis sacrificium justitiae, " id est, justitia erit tibi sacrificium, non pecudes, ut in synagoga. Malach. III, 3 : Erunt Domino offerentes sacrificia. Et in justitia tibi placebunt. Et " tunc acceptabis oblationes, " minores sanctos : " et holocausta, " majores et perfectos. Et tunc sacerdotes etiam " imponent vitulos super altare tuum, " id est, homines a jugo peccati liberos. Ad Rom. VI, 18 : Liberali a peccato servi facti estis justitiae. " Super altare tuum, " fidem, quae est alta, quia est de caelestibus : ara, quia igne charitatis ignita, et inflammata. Vituli etiam sunt praedicatores, qui mundum suo mugitu replere debent. Cassiodorus : " Quorum praedicatoet rum imaginem in vituli figura Lucas " Evangelista suscipit, hos imponent succ per altare tuum, id est, Ecclesiam : cc tales enim essent praeficiendi. Sed nunc " non isti, sed canes muti non valentes " latrare, secundum illud Isa. lvi, 10 : " Nescierunt universi : canes muti non n valentes latrare. " Vel ipsi vituli, id est, Martyres, " imponent etiam super altare tuum vitulos, " scilicet semetipsos offerendo. II ad Corinth. viii, 5 : Semetipsos dederunt primum Deo, vel Domino.

Vel sic, tertio modo : " Tunc, " id est, tempore gratiae, " acceptabis sacrificium justitiae, " agni scilicet immaculati Christi oblationes, etc. Haec imitantur Martyres seipsos pro Christo offerentes, etc.

OPERA OMNIA,

EX EDITIONE LUGDUNENSI RELIGIOSE CASTIGATA, ET PRO AUCTORITATIBUS

AD FIDEM VULGATAE VERSIONIS ACCURATIORUMQUE

PATROLOGIAE TEXTU UM REVOCATA, AUCTAQUE B. ALBERTI VITA AC BIBLIOGRAPHIA SUORUM

OPERUM A PP. QUETIF ET ECHARD EXARATIS, ETIAM REVISA ET LOCUPLETATA

CURA AC LABORE

AUGUSTI BORGNET, Sacerdotis diaecesis Remensis.

ANNUENTE PATENTEQUE PONI. MAI. LEONE XIII.

volumen decimum sextum commentarii IN secUndAM partem psalmorum (LIc).

AdminBookmark

PARISIIS

APUD LUDOVICUM VIVES, BIBLIOPOLAM EDITOREM

13, VIA VULGO DICTA DELAMBRE, 13

MDGGGXCII

D.ALBERTI MAGNI,

RATISBONENSIS EPISCOPI, ORDINIS PRAEDICATORUM,

SECUNDA PARS

COMMENTARIORUM IN PSALMOS

(LI- C ).