VARSAVIEN. 729

Aliud vero coniugum effugium, decantata nempe coeundi relativa impotentia ob ipsas medicorum relationes facile ex- peditur, pergit sacramenti tutor. Nam, quaerenti Iudici : « Quam impotentiam a te deprehensam unde orsam censes ? » medicus Zielinski reponit : « Cum exacta scientifica certitu- dine pronunciare, sitne Vladislaus idoneus ad coitum cum uxore, vel aliis mulieribus, non possum ».

Eduardus Bondy ait quidem : « Opinor Vladislaum obnoxium esse impotentiae relativae psychicae, nec cum hac muliere matrimonium unquam consummare posse » : at, dum praefatam opinionem explanat medicus, manifeste osten- dit se ita censere in evidentem factorum errorem ex adverso adductum. Ait enim : « Consociatio huius coniugii sine ma- ritali affectu, disproportionata aetas ac defectus instinctus sexualis erga uxorem procrearunt impotentiam relativam in specie psychica ». Sed respondet orator, ex ipsorum coniu- gum iurato testimonio constat, ipsos solummodo impellente amore matrimonium contraxisse et eiusdem fere aetatis exi- stere.

Postremo, inquit, Eduardus Bondy relativam impoten- tiam deprehendit in defectu instinctus sexualis erga uxorem. At Vladislaus iudiciali in examine medicum mendacii con- vincit. Iurat enim : « initio fere quotidie contendi concumbere cum uxore, deinde rarius. Uxor per aliquot menses non re- ;

pugnabat attentationibus, posterius demum nonnumquam copiam sui mihi denegabat idque cum se enervatam sen- tiebat ».

Ex dictis itaque, contendit vinculi defensor, non esse Vla- dislao fidem adiiciendam, dum inquit : « Pro certo mihi con- stat me matrimonium non consummasse et idcirco opinor uxorem meam esse virginem ». Atque eiusdem ponderis esse vult Hedwigis confessionem ; quia praeter quod et ipsa confi- tetur in sui favorem, cum iugale foedus aeque ac Vladislaus rumpi percupiat, prostat in actis momentosa actuarii anim- adversio: « Hic notatur quod rea (Hedwiges) in primis a iuramento se excusavit et post depositionem iuramenti in