736 REGIEN.

In quod propositum advertam, S. C. Congregationem iampridem probasse morem constituendi canonicum parochum pro actuali animarum cura, nam die 7 Iulii 1731 in Sar- nen, rescripsit: « Episcopus omnino procedat ad executio- nem literarum S. Cong. anni 1646, additis etiam coadiu- toribus curae ex canonicis ». Hae literae diei 5 Maii i 646 sunt « Quoad curam animarum ecclesiae cathedralis non probarunt Emi Patres, quod vage capitularibus immineat, sed mandarunt, alicui certae praebendae, de consilio capi- tuli iniungi, vel vicariam inibi erigi perpetuam, ut subiectus populus certum pastorem agnoscat ».

Disiuncto vero parochiali iure actuali ab integro Capi- tulo, eodemque iure uni ex capitularibus commisso, conse- cutum est in Ecclesia assignari consuevisse certum locum ad iura parochialia exercenda, ne functiones chori intercipe- rentur parochi functionibus. - Hinc in Neapolitana diei 6 Augusti 1698 lib. 48 Decret, refertur hoc decretum Sixti V: « Et insuper curam animarum eidem Ecclesiae (nempe Col- legiatae et parochiali ecclesiae S. Mariae Maioris) incum- bentem per unum ex dictis Hebdomadarius ad vitam eligen- dum, exercendam statuas, nec non ad aliquam ex capellis in ambitu dictae Ecclesiae existentem ab ipsa Congregatione ad ipsius libitum post ipsius Ecclesiae possessionem et quando eidem aptum et commodum fuerit, et placuerit, illius tamen sumptibus exornandam et ad huiusmodi curae exercitium aptandam eadem auctoritate perpetuo transferas ». Dein exorta quaestione in decreti executione et duobus proposi- tis dubiis, nempe « I. An sit locus translationi curae ani- marum ecclesiae S. Mariae Maioris ad unam ex capellis in ambitu dictae ecclesiae in casu »; et « II. An interim et donec fiat praefata translatio liceat hebdomadario curato eiusdem ecclesiae explicare in Missa Evangelium, diebus Do- minicis et festivis ». S. C. C. respondit « Affirmative ad utrumque ».

Ad secundum Praepositi dubium « An Parochus valeat pro suo arbitrio sacros sermones habere ad populum ex