FIRMANA 737

ad consulta Bulgarorum cap. 3 his verbis (quae verba sua quoque fecit Innocentius III in cap. o « Tuas dudum » De sponsa duorum X, IV, 4, et retulit Gratianus in cap. 2. C. XXVIL q. 2): « Sufficiat secundum leges solus eorum consensus, de quorum coniunctionibus agitur. Qui consensus si in nuptiis solus forte defuerit, cetera omnia etiam cum ipso coitu celebrata frustrantur ».

Obiectum autem contractus in re nostra est ius perpe- tuum et indissolubile in corpus, quod sponsus sponsae et vicissim sponsa tradit sponso. Haec autem iuris huiusmodi traditio ad id naturaliter tendit, ut per copulam perfectam vir et mulier una caro efficiantur et unum constituant prin- cipium generationis. Hinc optime S.Thomas Suppl. q. XLVy art. 1 ad 2:« Matrimonium (in quantum nempe non con- sideratur in fieri, sed in facto esse) non est ipse consensus (consensus enim est causa efficiens matrimonii in facto esse, proprium est autem causae efficientis esse extrinsecam suo effectui seu distinctam ab ipso), sed quaenam unio ordina- torum ad unum (scilicet principium generationis), quam consensus facit ». Si igitur matrimonium est unio ordina- torum ad unum principium generationis ex ipsa naturali lege, consequitur sub consensu matrimoniali includi neces- sario tria bona matrimonii, idest prolem, sacramentum et fidem, ita ut, si unum aliquod ex his excludatur, non ha- beatur consensus verus in contractum matrimonialem et proinde nullum sit matrimonium, etiamsi externa matri- monii forma fuerit servata. Et hoc est quod tradit Grego- rius IX in cap. ultimo de condit, app. X, IV* 5, ubi dicit conditiones contra substantiam coniugii, si quae matrimo- niali consensui inserantur, puta si dicat quis alteri « con- trallo tecum, si prolis generationem evites » (quae est con- tra bonum prolis), vel « donec inveniam aliam honore vel facultatibus digniorem » (quae est contra bonum Sacramenti), vel « si pro quaestu adulterandum te tradas » (quae est contra bonum fidei) matrimonium irritum efficere.

Neque dicendum iuxta quosdam, quos refert S. Alphon- Acta, Tom. XXXIII. fase. CCCXCVI. 47