Albert the Great, Commentarii In Psalmos

Dicit ergo : Sic mali sperant in divitiis, " Ego autem, sum in domo Domini sicut oliva fructifera. " Hoc dicit quilibet justus. Oliva hieme viret et aestate. Quasi diceret : Bene me habeo, et hieme adversitatis, et aestate prosperitatis. Eccli. XXVI, 4 : Divitis, et pauperis, ( si justi) cor bonum : in omni tempore vultus eorum hilaris. Nec tantum virens, imo " fructifera. " Oliva fructifera David, de quo Christus processit, gloriosus valde et copiosus fructus. Matth. xxii, 42 : Quid vobis videtur de Christo ? cujus filius est ? Dicunt ei : David. Bonum autem opus cujuslibet justi fructus. Joan. xv, 2: Omnem palmitem... qui fert fructum, purgabit eum, ut fructum plus afferat.

Ego, inquam, talis, " speravi in misericordia Dei, " non sicut Doeg in divitiis. Alibi, in Psal. XII, 6 : Ego autem in misericordia tua speravi. Et inde quia oliva dicitur ab AdminBookmark Graece, quod est miseri-cordia Latine . Quasi diceret : Omnino ego misericors, in misericordia spero : et hoc justum. Matth. V, 7 : Beati misericordes : quoniam ipsi misericordiam consequentur. " Speravi, " inquam, " in misericordia ", duratura " in aeternum, et in saeculum saeculi " consecutivum. Psal. cii, 17 : Misericordia euclem Domini ab aeterno, et usque in aeternum super timentes eum. Item, " speravi in misericordia in aeternum, " hoc est, in misericordia non tantum terrena dante, sed aeterna. I ad Corinth. XV, 19 : Si in hac vita tantum in Christo sperantes sumus, miserabiliores sumus omnibus hominibus.

Hic notandum, quod justus olivae comparatur. Primo, quia oliva, sicut jam tactum est, semper viret, et justus in virore fidei semper est, quae est vera sapientia. Sapient, VI, 13 : Clara est, etquae numquam marcescit sapientia. In radice amaritudinem habet, sed fructus dulcis : sic justi quasi in radice, hic in hac vita amarum vitam ducunt, sed fructum exspectant suavissimum. Ad Hebr, XII, 11: Omnis quidem disciplina in praesenti non videtur esse gaudii, sed maeroris : postea autem fructum pacatissimum, etc. Propter hoc etiam dicit unus justorum, Isa. xxxviii, 17 : In pace amaritudo mea amarissima. Arbor pacis : sic justi pacifici sunt cum omnibus. Psal. cxIx, 7 : Cum his qui oderunt pacem, eram pacificus. Matth. v, 9 : Beati pacifici : quoniam filii Dei vocabuntur. Habet folia salici infructuosae similia : sic justus verba humilia. Luc. v, 8, dixit unus justorum : Exi a me, quia homo peccator sum, Domine. Et xvii, 10 : Cum benefeceritis omnia, dicite : Servi inutiles sumus. Oleum quod fit de fructu, excedit In valore : sic remuneratio opera misericordiae quae justus facit, in multis excedit. II ad Corinth. IV, 17 :. Id enim, quod in praesenti est momentaneum et leve tribulationis nostrae, supra modum in sublimitate aeternum gloriae pondus operatur in nobis. Oleum olivae, in quo mortuus est scorpio, medicinale est : sic misericordia in qua moritur diabolus, medicinalis valde, quia procedit ex justo, et hoc contra peccatum. Daniel. Iv, 24 : Peccata tua eleemosynis redime. Psal, cxI,9 : Dispersit, dedit pauperibus. Breviter quidquid in oliva est, totum est utile : quidquid in justo, totum est bonum, et proficuum aliis. I ad. Corinth, IX, 22 : Omnibus omnia factus sum, ut omnes facerem salvos,

" Confitebor tibi in saeculum. " Hic secundum, in quo subjungitur de praemio bonorum, et tangitur duplex. Primo, praemium habitum jam in. re praesentialiter. Secundo, exspectatum et habitum in spe, ibi, " Et exspectabo, "

In prima duo. Praemium, et ratio praemii, ibi, " Quia fecisti, "

Ergo dicit : " Confitebor tibi, " confessione jucunditatis. Supra, in Psal. xlii, 4 : Confitebor tibi in cithara, Deus : et hoc " in saeculum, " non. ad horam. Psal. cIII,33 : Psallam Deo meo quamdiu sum, " Quia fecisti, " me olivam fructiferam, et in te sperantem, et omnia quaecumque habeo, totum est a te. Isa. XXVI,12 : Omnia opera nostra operatus est nobis, Domine. Ad Philip. ii, 1.3 : Operatur in vobis, et velle, et perficere, pro bona voluntate. 1 ad Corinth. Iv, 7 : Quid habes quod non accepisti ? et xv, 10 : Gratia Dei sum id quod sum,

" Et exspectabo. " Hic secundum praemium habitum in spe, et tangitur praemium, scilicet exspectatio salutis. Secundo, ratio, ibi, " Quoniam bonum. "

Dicit : Confitebor, " ei exspectabo nomen tuum, " rem scilicet nominis tui : non festinabo, quia Prov. xx, 21 : Haereditas ad quam festinatur in principio, in fine benedictione carebit. Res autem nominis salus est. Matth. I, 21 : Vocabis nomen ejus Jesum : ipse enim salvum faciei populum suum a peccatis eorum. " Quoniam bonum, " id est, jucundum et delectabile, non quidem omnibus, quia non est bonum habentibus corruptum palatum cordis. " Sed in conspectu sanctorum tuorum, " tuae dulcedinis scilicet expertorum. Apoc. II, 17 : Vincenti dabo illi calculum candidum: et in calculo nomen scriptum, quod nemo novit, nisi qui accipit, Psal. xxx, 2,0 : Quam magna, multitudo dulcedinis tuae, Domine,quam abscondisti timentibus te, ad quam dulcedinem nos perducat, etc.