740 REGIEN.

ignis, seminis, ovorum, et similium sint de iuribus mere parochialibus. - VII. An functiones omnes Hebdomadae Sanctae sint de iuribus mere parochialibus. - X. An celebra- tio Missarum solemnium per annum sive pro vivis, sive pro defunctis sit de dictis iuribus parochialibus. - XI. An ex- positio Quadraginta Horarum et benedictio quae fit super populo sit de dictis iuribus mere parochialibus. - XVI. An expositio quae fit cum Reliquiis vel sacris Imaginibus et benedictio quae cum eis fit super populo sit de dictis iuri- bus parochialibus » ; responsum fuit: - Ad V. Negative. Ad VI. Negative; sed benedictiones mulierum, et fontis baptismalis fieri debere a Parocho. - Ad VII. Negative prout iacet. - Ad X. Negative prout iacet. - Ad XI. Negative. - Ad XII. Negative, et quoad benedictiones cum Reliquiis et Imaginibus serventur decreta. - Benedictus XIV in Inst. 105 § 6 ad responsiones dubii VI notat: « Cui sane respondit Negative, nempe inter iura parochialia non esse adscribenda: Sed benedictiones mulierum, etc. fieri debere a Parocho, eam haec munera solis Parochis conveniant ». Sed hac respon- sione excluduntur sodalitates, penes quas cura animarum habitualis sane non residet, et ad quas directius se referunt citata decreta; non excluduntur vero Canonici Ecclesiae Col- legiatae parochialis, uti planum est.

Ad ultimam quaestionem, an attentis temporum adiun- ctis , administratio bonorum Ecclesiae exclusive pertinere debeat ad Praepositum in casu, notant Capitulares, esse alienam a Capituli constitutione huiusmodi Praepositi peti- tionem. S. C. C. in Mediolanen, iam cit. die 26 Apr. 1732 ad dub. III « An ius administrandi Ecclesiam et omnes res ad eam spectantes competat soli Praeposito vel potius Ca- pitulo comprehendenti etiam Praepositum » respondit « Ad tertium, in concernentibus curam animarum competere soli Praeposito, in reliquis vero Capitulo una cum Praeposito ».

Hisce animadversis, proposita fuerunt diluenda