NETEN. 743

contrariam fundatoris voluntati ; sibique potius, utpote pro- ximiore gradu cognationis fundatori coniuncto, adiudicandam esse utramque illius liberalitatem, nimirum tum capella- niam, tum sacrum patrimonium.

Iudex Neten. die 9 Dec. 1893 decrevit patrimonium sa- crum tribuendum esse Petro Cappellani, quippe iam idoneo et parato Subdiaconatus ordini suscipiendo ; capellaniae vero collationi supersedendum esse quousque Vincentius Lombardo Sacerdotali ordine augeatur, quod si non fiat, tunc capella- niam Petro Cappellani adiudicandam esse.

Per appellationem quaestio delata fuit ad Curiam Metro- politanam Syracusanam, quae antea definitis die 24 Dec. 1894 nonnullis quaestionibus praeiudicialibus, postea die 30 Ia- nuarii 1895 definitiva sententia pronunciavit, nullam esse tum procuratorum deliberationem, tum curiae Neten. senten- tiam et capellaniam atque sacrum patrimonium attribuit Vincentio Lombardo.

Disceptatio Synoptica

D E F E N S I O V I N C E N T I I L O M B A R D O . Advocatus, qui iura tue- tur Vincentii Lombardo exorditur advertens, sententiam Cu- riae Syracusanae esse absque dubio confirmandam, primo si attendatur defectus utilis appellationis ex parte Cappellani.

Nam Curia Syracusana antea tulit sententiam interlocu- toriam qua Concedebat eidem Petro Cappellani restitutionem iii integrum contra lapsum fatalium ad effectum recipiendae appellationis a Petro Cappellani interpositae a sententia Cu- riae Neten., praeterlapsis iam decem diebus. In hac vero sententia interlocutoria Curia Syracusana etiam definivit me- ritum quaestionis, pronuncians nullam esse electionem per- actam a procuratoribus ecclesiae s. Sebastiani.

Ab hac sententia Petrus Cappellani provocavit ad S. C. C, asserens, Curiam Syracusanam specie tenus pronunciasse sen- tentiam interlocutoriam, sed reapse sententiam edidisse de- finitivam vel saltem vim definitivae habentem, et hinc eam-