746 S. R. U. INQUISITIONIS christiana, post conversionem, potestne cohabitare cum marito infideli, qui simul in eadem domo retinet uxores alias illegitimas?

VI. Puella christiana, obtenta dispensatione disparitatis cul- tus, potestne legitime contrahere Matrimonium cum infideli, qui non promittit se a polygamia abstinere in futurum ?

VII. Bertha, adhuc infidelis, contrahit Matrimonium cum infi- deli statim ac pervenit ad annos pubertatis ; et post duos annos relinquit virum suum, nulla suscepta prole, et ambo currunt ad alias nuptias, imo vir accipit plurimas uxores, et fit polygamus. Sed nunc mulier aetate provecta, audito Missionario, vult bap- tizari : potestne illa mulier dispensari a vinculo Matrimonii, contracti cum primo marito, non postulato consensu ejus, et sic remanere cum secundo marito, ex quo illa suscepit prolem ?

VIII. Apud quosdam infideles detestabilis viget consuetudo, iuxta quam vir, post commissum adulterium cum uxore alterius, administrat remedium uxori adulterae, cuius effectus erit inferre mortem super legitimum maritum, eo ipso quod postea habebit connexionem cum uxore sua. Unde postulatur, utrum vir legi- timus, qui nolit cohabitare cum uxore sua post adulterium com- missum, si convertitur ad fidem, poterit dispensari a vinculo Matrimonii sui contracti in infidelitate, et ducere alteram uxo- rem, etiamsi infidelis uxor adultera vellet et ipsa baptizari?

S . OFFICI I , 1 1 J U L I I 1 8 8 6 , A D VICARIUM APÓSTOL. N A T A L .

EE. et RR. PP. ad singula postulata responderunt iuxta se- quentem modum, hisce tamen praenotatis:

1. Supra scripta postulata intelligi de privilegio a Christo Domino in favorem fidei concesso et per Apostolum Paulum I ad Cor. VIII , 1 2 , seq. promulgato.

2. Hoc privilegium divinum in eo consistere, quod, stante Matrimonio legitime in infidelitate contracto, et consummato, si coniugum alter Christianam fidem amplectitur, renuente al- tero, in sua infidelitate obdurato, cohabitare cum converso, aut cohabitare quidem volente, sed non sine contumelia Creatoris, hoc est non sine periculo subversionis coniugis fidelis, vel non sine execratione Sanctissimi nominis Christi, et christianae re- ligionis despicientia, tunc integrum sit converso transire ad alia vota, postquam infidelis interpellatus aut absolute recusaverit cum eo cohabitare, aut animum sibi esse ostenderit cum illo quidem cohabitare, sed non sine Creatoris contumelia.

3. Juxta idem divinum privilegium, coniugem conversum ad fidem, in ipso conversionis puncto non intelligi solutum a vin- culo Matrimonii cum infideli adhuc superstite contracti, sed tunc, si coniux infidelis renuat, acquirere ius transeundi ad alias nuptias cum tamen coniuge fideli. Ceterum tunc solum coniugii vinculum dissolvi ,quando coniux conversus transit cum effectu ad alias nuptias.

Hinc: