746 EX S, C. CONCILII

prehendi datur nedum quoad coarctatae probationis extrema, verum etiam quoad ipsam coniugum cohabitationem, quae Romae fortasse per aliquot saltem menses locum habuerit.

Quo vero ad obiectam matrimonii nullitatem dum exi- mius Consultor Canonista actricis votis benignissime in- dulget, alter, Consultor Theologus, fuse ac dilucide libra- tis omnibus hinc inde facientibus, censet: « Ex actis, prout sunt, non constare quod Humbertus in verum cum Elvira matrimonium non consenserit ». Huiusmodi conclusionem libenter amplector, veram enim prorsus puto. Ne tamen in concredito munere deficere videar, neve acta agam, paucis- sima in eiusmet sententiae confirmatione summis digitis attingam:

Atque in primis ingenue fateor suspicionem, quae in me insilit, adversos videlicet Religioni sensus, quos pas- sim professus esset Humbertus, data opera ab eomet osten- tans vel saltem exaggeratos fuisse ad se eripiendum ab in- stantiis sibi molestis de matrimonii celebratione. Dum enim ille traducitur veluti Religionis et ecclesiasticae auctorita- tis aspernator, nedum vadimonium, sibi pro subeundo exa- mine ab Urbis Vicariatu constitutum, incunctanter obi vit, sed et nullam prorsus praetexuit difficultatem iurandi ad sancta Dei Evangelia.

Asseritur itidem, Humbertum pro nihilo reputasse ma- trimonium religiosum, eiusque substantiales obligationes ; sed aliter animo sensisse demonstrat vel ipsum tempus unius anni et ultra, quo familiae mulieris querelis restitit, ne illud contraheret. Idque confirmatur ex intima persuasione, qua Humbertus non solutum, sed uxoratum se putat. A iudice enim sciscitatus : « Se conosca la sig. Elvira e se sappia aver la medesima fatta istanza per ottenere che o si dichiari nullo o si sciolga il suo matrimonio con Umberto? » respondit : « Conosco la signora Elvira e so che ha avan- zato istanza per l'annullamento del nostro matrimonio*.. »

Quinam praeterea de obligationibus specialiter fuerint animi sensus Humberti, ab Elvira imprimis declaratur :