750 EX S. C. CONCILII

rantur et quatuor Vicarii Chorales, incertus autem est nu- merus presbyterorum , qui dictae Congregationi adscripti, choro intersunt atque non refert an isti aliud officium aut beneficium obtineant. - Quare sub die 20 Maii 1898 Ray- mundus Maroevic Parochus in suburbio Lucae, nomine etiam alterius Parochi in suburbio vulgo Borgo grande, (hae duae enim paroeciae, praeter Ecclesiam Cathedralem, constitutae sunt in civitate Spalaten.), petiit a Capitulo ut ipsi, quippe parochi in civitate Spalaten. et hinc pars cleri , admitte- rentur ad functiones chorales Ecclesiae Cathedralis Spala- ten. proindeque ad quotidianas lucrandas distributiones.

D i s c e p t a t i o S y n o p t i c a .

D E F E x N S I O C A P I T U L I . Verum Capitulum contradixit, re- nuens hoc ius recognoscere Oratori alterique parocho , ut- pote qui natales sortiti non fuerant Spalati. Etenim instant canonici, S. Pius V Const. Regiminis universalis a. 1569 iussit non admitti ad praebendas ecclesiasticas Spalati con- stitutas et hinc ad cleri Congregationem addictam Eccles. Cathedrali nisi presbyteros cives et indigenas.

Nihilominus Capitulares admittunt, iampridem et hodie etiam beneficia canonicalia et praebendas Vicariorum ob- tenta fuisse et obtineri a presbyteris non indigenis et ad- vertunt : « Ma atrinfuori dei canonici residenziali e dei Vi- carii corali il Capitolo di Spalato mai ammise alle distri- buzioni corali se non i soli sacerdoti e chierici nativi di Spalato ».

Quare Capitulum fatetur, aliquando parochos suburbii functionibus choralibus interfuisse et hinc distributionibus participasse, sed non qua parochos, sed qua cives indigenas Spalatenses, adscriptos Congregationi Cleri Eccl. Cathed. Sed una simul dolent, malum exitum quem huiusmodi mo- rem secumtulit, nimirum parochos deseruisse nimis facile suas Ecclesias, ut incumberent choro , cum magno anima- rum discrimine.

Ius commune quod attinet memorant capitulares Decre-