754 EX SECRETARIA BREVIUM

tua eiusdem Augusti Sacramenti expositione et adoratione Eius honor et cultus longe lateque proferretur, uberiores in dies edere fructus ac plurimos sibi adiicere sodales, et quum hodiernus Praepositus memoratae Congregationis Generalis humiles Nobis preces adhibuerit, ut eamdem Confraternitatem, quae pro so- dalium conditione ac pietate in tres classes distribuitur, ac non- nullis (1) iam ab hac Apostolica Sede indulgentiis est locuple- tata praecipuo titulo ac privilegiis augere de benignitate nostra velimus. Nos, quibus nihil est antiquius, quam ut tanti divini amoris mysterium summa observetur religione, hisce votis cen- suimus obsecundandum. Quare omnes et singulos, quibus hae Nostrae Litterae favent, peculiari benevolentia complectentes, et a quibusvis excommunicationis et interdicti, aliisque eccle- siasticis sententiis, censuris et poenis, quovis modo vel quavis de causa latis, si quas forte incurrerunt, huius tantum rei gratia absolventes et absolutos fore censentes, piam huiusmodi Soda- litatem in Aede ss. Andreae et Claudii huius almae Urbis No- strae existentem, quam Ecclesiam ad hoc primariam declaramus, Auctoritate Apostolica Nostra praesentium tenore in Archiso- dalitatem, consuetis ditatam privilegiis, perpetuo erigimus atque instituimus. Archisodalitatis autem sic erectae officialibus et so- dalibus praesentibus et futuris, ut ipsi alias quascumque soda- litates eiusdem nominis atque instituti ubique terrarum erectas seu in posterum erigendas, servatis tamen forma Constitutionis Clementis Papae VIII Dec. Nostri, aliisque Apostolicis Ordina- tionibus desuper editis aggregare, illisque omnes et singulas indulgentias, peccatorum remissiones ac poenitentiarum relaxa- tiones, ceterasque spirituales gratias ipsi Sodalitati ita in Archi- sodalitatem a Nobis erectae ab Apostolica Sede concessas et aliis communicabiles, communicare licite possint ac valeant, ea- dem Auctoritate Nostra harum Litterarum vi perpetuum item in modum concedimus et indulgemus. Decernentes praesentes has Litteras validas, firmas et efficaces existere et fore, suosque plenarios et integros effectus sortiri et obtinere, illisque ad quos spectat et in posterum spectare poterit, in omnibus plenissime suffragari, sicque in praemissis per quoscumque iudices ordi- narios et delegatos iudicari et definiri debere, atque irritum et inane si secus super his a quoquam, quavis Auctoritate scienter

(1) Brevia diei 29 Ianuarii, 26 Februarii et 5 Martii 1875.