Albert the Great, Commentarii In Psalmos

.Dicit ergo : Sic illum sustinere forte possem, vel ab eo cavere. " Tu vero, " qui persequeris me, es " homo " mihi conformis in natura, et propter hoc debes me diligere naturaliter. Eccli. XIII, 19 : Omne animal diligit simile sibi. Et volatilia ad similia congregantur. Et inibi " unanimis " fuisti, in una voluntate conjunctus. Ad Philip. II, 2 : Implete gaudium meum, ut idem sapiatis, eamdem charitatem habentes, unanimes, idipsum sentientes. " Dux meus, " qui me in multis dirigebas, et ducebas, tamquam verus esses amicus. Sed, ut video, de illis eras, de quibus Matth. xv, 14 : Caeci sunt, et duces caecorum. Proverb. XVI, 29 : Vir iniquus lactat amicum suum : et ducit eum per viam non bonam,

" Et notus meus, " qui in eadem Ecclesia mecum fuisti. in hoc cultu identitas. Isa. I, 21 : Quomodo facta, est meretrix, civitas fidelis? Job, XIX, 13 : Noti mei, quasi alieni recesserunt a me.

" Qui simul mecum, " id est, associatus aliis. Hac notat simul. " Mecum dulces capiebas cibos. " Ecce communitas in victu. Cibos, inquam, corporales. Eccli. VI, 10 : Est amicus socius mensae, et non permanebit in die necessitatis. Et spirituales Scripturarum, qui nunc dulces sunt, Psal. cxviii, 103 : Quam dulcia faucibus meis eloquia tua, super mel ori meo. Ezech. III, 2 et 3 : Et aperuit os meum, et cibavit me volumine illo :... et comedi istud, et in ore meo factum est sicut mel dulce.

" In domo Dei, " id est, in Ecclesia, (( ambulavimus cum consensu : " quod

Deo placet. Matth. v, 23 : Si offers munus tuum ad altare, et ibi recordatus fueris, quod habet frater tuus aliquid adversum te, etc. Et post, in eodem, v. 25 : Esto consentiens adversario tuo, dum es in via. Gen. xlv, 2i : Dixit Joseph fratribus suis : Ne irascamini in via. Tu, inquam, taliter me persecutus es, quod est importabile magis. Propter hoc dicitur, Michae.VII, 5 : Nolite credere amico, et nolite confidere in duce. Cantic. I, 5 : Filii matris meae pugnaverunt contra me. Isa. xxxviii, 17 : Ecce in pace amaritudo mea amarissima.

Haec omnia aliter leguntur ab illo loco, " Exspectabam, " ut loquatur Christus sic : " Exspectabam, " Patrem scilicet meum, " qui salvum me fecit a pusillanimitate spiritus, " ne deficerem in passionibus : " et tempestate, "ne iraseerer contra persequentes, secundum illud. Isa. xlii, 4 : Non erit tristis, pusillanimitate : neque turbulentus, iracundia. Sed, o tu Domine, " praecipita illos, " Judaeos me persequentes, in miseriam : " et divide linguas eorum, " per dissensionem inter ipsos, quod et factum est : quia post quadraginta annos a Christi passione, obsessi sunt a Romanis, et pugnabant per diem contra illos, et per noctem adinvicem. Alibi, in Psal. lviii, 12: Disperge illos in virtute tua, et depone illos, protector meus, Domine. Sed quare haec fient? Et hoc peto. " Quoniam vidi iniquitatem, et contradictionem in civitate, " Jerusalem. Hoc non mutatur usque ibi, " Quoniam si inimicus meus : " et tunc specialiter contra factum ipsorum per Judam. Nec mutatur lectura usque ibi, " Tu vero homo unanimis, " qui mea sciebas consilia. Joan. xv, 15 : Vos autem dixi amicos : quia omnia quaecumque audivi a Patre, etc. Ad Hom. III, 2 : Credita sunt illis eloquia Dei. " Dux meus, " id est, meorum, quia praedicator eras et doctor. Isa. lv, 4 : Dedi eum ducem ac praeceptorem Gentibus. " Et notus meus, " inter alios specialior, quia totum tibi commiseram. Psal. lxxxvii,

19 : E longas ti a me amicum et proximum. Et Job,XIX, 19 : Quem maxime diligebam, adversatus est me. " Qui simul mecum dulces capiebas cibos, " judicia Scripturarum, quae erant antiquis delectabilia. Et quantum ad peccatum Judae specialiter, corporales. Comedit enim cum Christo in eadem scutella. Joan. XIII, 26 : Et cum intinxisset panem, dedit Judae Simonis Iscariotis. Proditori enim soli corporales dulces erant, non spirituales illi de quibus Sap. XVI, 20 : Panem de caelo praestitisti illis sine labore, omne delectamentum in se habentem, et omnis saporis suavitatem, a In domo Dei, " ad litteram, in materiali templo, " ambulavimus cum consensu.)) Simul enim cum Christo templum intrabat, et praedicationibus assistebat.

" Veniat mors super illos. " Hic secundum, in quo imprecatur eis paenam : et dicuntur duo. Primo, mortis imprecatio. Secundo, expositio illius imprecationis, ibi, " Et descendant. "