Albert the Great, Commentarii In Psalmos

Dicit ergo : Humiliabuntur, et digni sunt. " Enim, quia, non est illis commutatio, " a perversitate sua. Proverb. II, 19 : Omnes qui ingrediuntur ad eam, non revertentur. Et xxvii, 22 : Si contuderis stultum in pila quasi ptisanas, feriente desuper pilo, non auferetur ab eo stultitia ejus. Eccle. I, 15 : Perversi difficile corriguntur. Jerem. xiii, 23 : Si mutare potest aethiops pellem suam, etc. Propter hoc dicitur, Jer. xlviii, 11 : Fertilis fuit Moab ab adolescentia sua, et requievit in faecibus suis : nec transfusus est de vase in vas, et in transmigrationem non abiit : idcirco permansit gustus ejuscum eo, scilicet peccati delectatio : et odor ejus, faetor scilicet infamiae, non est immutatus. Osee, v, 4 : Non dabunt cogitationes suas, ut revertantur ad Deum, Propter hoc dicitur, Soph, I, 12: Visitabo super viros defixos in faecibus suis.

" Et non timuerunt Deum. " Hic secundum, in quo dicuntur duo. Primo,divini timoris abjectio. Secundo, ostenditur quasi effectus proprius hujus peccati, scilicet major exacerbatio irae Dei, ibi, " Extendit. "

Ait enim : Sic non est in illis commutatio : et hoc, quia " non timuerunt Deum: " si enim timuissent, mutati essent. Eccli, ii, 20 : Qui timent Dominum, praeparabunt corda sua. Malach. I, 6 : Si Dominus ego sum, ubi est timor meus ? Et propter hoc, " extendit manum suam, " praeparando sciri repercutiendo, " in retribuendo, " id est, ad retribuendum. Isa, IX,12 et 13 : Et adhuc manus ejus extenta : et populus non est reversus ad percutientem se.

Et nota hic, quod est mutatio naturae, sicut in avibus, et cervo, et serpente, de quibus alibi dictum est . Et est mutatio paenitentiam veram, I Reg. x, gratiae per 6 : Insiliet in te spiritus Domini ,prophetabis cum eis, et mutaberis in virum alium. Glossa : De quo Zach. III, 4 : Auferte vestimenta sordida ab eo. Et dixit ad eum : Ecce...indui te mutatoriis. In con trarium autemdebet mutari intentio primo, ut qui faciebat bona aliqua propter mundum, nunc faciat propter Deum. De quo in Psal. lxxvi, 11 : Haec mutatio dexterae Excelsi Debet mutari sermo, ut qui prius turpia loquebatur, nunc honesta proferat, Isa. XIX, 18 : In die illa, nunc paenitentiae scilicet: erunt quinque civitates, homines prius quinque sensibus servientes: loquentes lingua Chanaan, hoc est, com- mutata. Propter hoc Dominus linguas Apostolorum commutavit . Habitus, ut qui prius mollibus, nunc duris vestiatur. Genes. xli, ii : Eductum de carcere Joseph totonderunt, et veste mutata obtulerunt ei, scilicet Regi. Exod. XIX, 10, praeceptum est ut populus recepturus legem, mutaret vestem. Et actus, ut nunc bona faciat qui prius mala faciebat, donec abeat in perfectam transmutationem. Job, XIV, 14 : Cunctis diebus quibus milito, exspecto donec veniat immutatio mea.

" Contaminaverunt testamentum. " Hic tertium,dispersio testamenti Dei. Et etiam " contaminaverunt, " contaminatum reputaverunt " testamentum ejus, " promissionem scilicet ejus contemnando : illam, inquam, promissionem, quae est de Gentium vocatione ad fidei unitatem. Genes. xxii, 18 : Benedicentur in semine tuo omnes gentes. Putantes illud semper durare ad litteram : Notus in Judaea Deus, tantum, in Israel magnum nomen ejus . Scripturas etiam corrumpendo, vel contraria illis faciendo, contaminant testamentum Dei, sicut vinum bonum contaminatur, cum aquae admiscetur. Isa. I, 22 : Vinum tuum mistum est aqua. Vel, tertio modo " contaminant testamentum " qui viliter tractant quodlibet sacramentum, maxime altaris. 1 Machab. I, 39 : Contaminaverunt sanctificationemmeam. Ezech. vii, 22 : Violabunt arcanum meum, : et introibunt ad illud emissarii, et contaminabunt illud. Malach. i, 12 : Mensa Domini contaminata est. Sed ad Hebr. X, 29, dicitur : Quanto magis putatis deteriora mereri supplicia, qui Filium Dei conculcaverit, ei sanguinem testamenti pollutum duxerit? " Divisi sunt, " per varios errores, et haereses. Osee, x, 2 : Divisum est cor eorum, nunc interibunt. Et hoc, " Ab ira vultus ejus, " id est, Dei: hoc enim ab ira ex ejus indignatione praecedente factum. Cura enim peccatum sine timore Dei perpetratur, juste datur anima usque in errores et haereses. Ad Rom. I, 28 : Propter hoc tradidit illos Deus in reprobum sensum : ut quilibet sequatur errorem suum. Thren. IV, 16 : Facies Domini divisit eos, non addet ut respiciat eos. Luc. xii, 46 : Dividet eum, partemque ejus cum infidelibus ponet,''

" Et appropinquavit cor illius. " Hic secundum, in quo posita malorum punitione in praesenti, subjungitur de utilitate bonorum ex illa proveniente : et tangitur triplex. Prima, Scripturarum apertio. Secunda, eorum mitigatio quae videbantur crudius dicta in Scripturis, ibi, ((Molliti sunt. " Tertia, bonorum confirmatio in bono, ibi, " Et non dabit. "