Albert the Great, Commentarii In Psalmos

Dicit ergo : Sic exaudisti pro inimicis orantem, quod sciebam, quia " in quacumque die invocavero te, " die, inquam, materiali, vel spirituali, qui est illuminatio gratiae, " ecce " statim et in. continenti, " cognovi, " cognitione experimentali, " quoniam Deus meus es, " mihi praestando quod postulo, vel aeque bonum pro illo. Joan. XVI, 24 : Petite, et accipietis. Intus, inquam, in corde, quia non tantum audis petitionem oris, sed cordis. Isa, lxv, 24 : Eritque antequam clament, ore, ego exaudiam : imo ante. Psal. X, 7 : Praeparationem cordis eorum audivit auris tua.

" In Deo laudabo verbum. " Hic secundum, in quo subjungit conversionem sui in Deum. propter hoc beneficium : et dicuntur duo. Primo, praemittit laudem, quae respicit quasi ad cognitivam. Secundo, securitatem, et stabilitatem, quae respicit ad motivam, ibi, " In Deo speravi. "

Ait enim : Sic me exaudis semper, et velociter,et propter hoc, " in Deo laudabo, ", id est, laudabile faciam. " verbum " doctrinae eorum quae pertinent ad Deum. " In Domino laudabo, " id est, laudabilem faciam " sermonem " eorum quae spectant ad proximum. Quasi diceret : Convertam me ut in praedicando et docendo quaeram honorem Dei, et utilitatem proximi. De primo, I ad Corinth. x, 31 : Omnia in gloriam Dei facile. In Psal. XXI, 23 : Narrabo nomen tuum fratribus meis : in medio Ecclesiae, etc. De secundo, ad Ephes.IV, 29 :

Omnis sermo malus ex ore vestro non procedat : sed si equis bonus ad aedificationem fidei, ut dei gratiam audientibus. Vel verbum potest referri ad orationem, sermo ad praedicationem.

" In Deo speravi. " Hic secundum, quo promittit securitatem, et tangit primo, causam securitatis, scilicet spem. Secundo, supponit ipsam, ibi, " Non timebo. "

Ait enim : Sic laudabo, et etiam " in Deo jam speravi. " Et bene : quia dives est, Prov.III, 16 : Longitudo dierum in dextera ejus, et in sinistra illius divitiae, et gloria. Et largus, Esth. II, 18 : Dona largitus est juxta magnificentiam principalem. Matth. VI, 33 : Quaerite primum regnum Dei, et haec omnia, etc. Quia verba bona dat quae reficiunt, non quae deficiunt. Matth.XI, 28 : Venite ad me, omnes qui laboratis et onerati estis, ei ego reficiam vos. Eccli.XXIV, 2A generationibus meis implemini. Data conservat, Job, I, 12, Nihil potuit tangere safan eorum quae erant Job absque Dei permissione, Dat velociter, Luc. xxiii, 43 : Hodie mecum eris in paradiso. Prov. iii, 28 : Ne dicas amico tuo : Vade et revertere : eras dabo tibi : cum statim possis dare. Et liberaliter, hoc, est, sino improperatione,Jacob, I,5 : Dat omnibus affluenter, et non improperat. Et propter hoc quia speravi, " non timebo quid faciat mihi homo, " quilibet scilicet impius, qui. homo dicitur sicut supra dictum est a principio Psalmi. Ad Rom an. VIII, 31 : Si Deus pro nobis, quis contra nos? Job, xvii, 3 : Libera me, Domine, ei pone me juxta te, ei cujusvis manus pugnet contra me. Sed haec parum si non times : imo magis ipse timebit te. Gregorius in Dialogis : " Plerumque ex " divina bonitate agitur, ut non solum " diabolus non timeatur, sed etiam bene cc viventium virtute terreatur. " Cant. VI, 3 : Terribilis ut castrorum acies ordinata.

" In me sunt, Deus. " Hic tertia pars Psalmi, in qua promittitur in futuro laus, et gratiarum actio pro liberatione plenissima, quamvis possint legi quae dicuntur hic etiam de praesenti. : et dicuntur duo. Primo, promittit se promptissime laudaturum in gloria. Secundo, subjungit rationem promptae laudis in illa, ibi, " Quoniam eripuisti. "