COMMENTARIUS.

(1) Ad ultimum, nego primam tonsuram, etc. Ex Theologis Angelus in Summa, v. Ordo, 2. num. 1. Major in hac distinct. quaest. I. Eckius in hom. de Ordinibus, sequuntur affirmativam cum Canonistis in cap. Cum contingat, de aetate et qualitate ordinandorum. Conclusio posita Doctoris est communis Theologorum in hac distinct. ubi S. Thomas quaest. 3. artic. 1. quaest. 2. D. Bonavent. part. 1. dicto art. 1. q. 2. Richard. art. q. 2. Durand. q. 4. Altisiodorensis in Summa lib. 4. tract. 8. q. 1. et reliqui moderni, ut Vasquez disput. 236. c. 1. quam supponit Trident. sess. 23. cap. 2. ubi agnoscit clericalem tonsuram esse tantum dispositionem ad reliquos Ordines, quos discernit in majores et minores. Ratio autem sumi potest ex doctrina praemissa Doctoris artic. 1. de variis acceptionibus Ordinis, et ex definitione assignata Ordinis stricte sumpti, in quo quis constituitur in gradu eminenti ad ministerium cum potestate determinata ; nullum autem ministerium aut gradum peculiarem habet clericus circa ministerium templi, aut altaris. Huc etiam tendunt rationes ab aliis Doctoribus assignatae. Quod vero dicatur quandoque Ordo, ut in capite citato, intelligitur vox late sumpta, ut comprehendit quemvis gradum clericalem, in quo discernitur clericus a laico, quamvis ille gradus sit institutionis Ecclesiasticae tantum. Idem dicendum de variis aliis gradibus induciis ab Ecclesia, ut de Psalmistis, quos aliqui intelligunt eosdem esse cum clericis, quorum officium est idem, nempe in Ecclesia canere, ut Bernardus, Abbas, Innocentius, Anchoranus in praedictum caput.