Scholium.

Definit interdictum, ac dividit ponitque ejus causam efficientem et auferentem. Ponitur enim et aufertur quandoque a Jure, quandoque ab homine. Definit etiam ac dividit ponitque eodem modo causas effectivas et destructivas suspensionis. Omnia sunt clara, et per expressa Jura, resoluta. Vide Summistas, v. Interdictum, et v. Suspensio.

Quinta (y) paena est interdictum, quae est arctatio a quibusdam actibus Ecclesiasticis exercendis, vel ab assistendo quibusdam talibus. Et licet ista paena aliquando possit infligi loco, et non personae, quandoque personae, et non loco, quandoque utrique: et sicut infligitur, ita est servanda: tamen, ut est distincta paena a caeteris, frequentius infligitur loco, et non personis, nisi dum in loco sunt, ut scilicet in tali loco non liceat celebrare solemniter divina, nec alios interesse.

Et ista paena interdicti quandoque contrahitur a Jure, quandoque a judice. A Jure occurrit exemplum de receptantibus usurarios extraneos, Extra de usurariis : Usurarum voraginem, et est hodie in 6. lib. A judice propter causas innumeras ; communius propter inobedientiam communem populi terrae. Relaxatur (z) per illum qui posuit interdictum: quandoque etiam relaxatur in certis casibus a Jure, ut patet Extra de sentent. excoinm. cap. Alma mater Ecclesia, et est hodie ib 6. lib.

Sexta (a) paena est suspensio, quae est prohibitio ab aliquo alias conveniente, et hoc ad tempus: in hoc distinguitur ista paena specialiter contra alias. Haec (b) autem est multiplex, quia quaedam est suspensio ab officio ; quaedam a beneficio ; quaedam ab ingressu Ecclesiae: et ultra quandoque incurritur ipso Jure, ut habetur Extra de sent. et re judic. Cum aeterni, et Extra de sentent. excomm. Cum medicinalis. Et etiam in suscipiendo Ordines ab Episcopo, qui renuntiat loco et dignitati tali, quia qui executionem non habet, executionem non confert) et ita si Ordinem confert, suscipiens tamen, executionem non habet, ideo est suspensus. De

- hoc 1. quaest. 7. Daibertum, et Extra de

- ordinat. ab Episc. qui renunt. cap. 1. in gloss. Similiter de ordinato scienter simoniace, ut dictum est supra: frequenter autem infligitur a judice nunc illa, nunc ista. Tollitur autem per relaxationem factam talis suspensionis ab eo qui eam tulit, vel a superiori ejus.