Albert the Great, Commentarii In Psalmos

Dicit ergo : Sic monui, ut jubiletis, et benedicatis Dominum : sed quia hoc nullo modo potestis, Isa. XXVI, 12 : Omnia opera nostra, etc. Joan. XV, 5 : Sine me nihil potestis facere, " Deus misereatur nostri. " Misereatur : quia captiva tenetur nostra irascibilis ne insurgat contra malum, amovendo per misericordiam, gratiam infundentem. Genes. xliii, 29 : Deus misereatur tui, fili mi. Eccli. xxxvi, 1 : Miserere nostri Deus omnium, et respice nos.

" Et benedicat nobis, " maledictionem contra malum, quod nostra concupiscibilis appetit, amovendo. Num. VI, 24 : Benedicat tibi Dominus, et custodiat te. Ostendat Dominus faciem suam tibi, et misereatur tui. " Illuminet vultum suum, " non suum in se, sed suum " super nos, " nostram scilicet rationem, quae quasi vultus ejus est, quia imago ejus. Psal. IV, 7 : Signatum est super nos lumen, etc. Illustrando et caecitatem auferendo. Supra in Psal, XVII, 29 : Deus meus, illumina tenebras meas. Et alibi, Psal.XII, 4 : Illumina, oculos meos, ne umquam obdormiam in morte. Vel, " illuminet vultum suum, id est, manifestet nobis Filium Deus Pater, qui, inquam, Filius est vultus ejus, et hoc " super nos, " id est, nobis. Psal. lxxix, 4, 8, 20 : Ostende faciem tuam, et salvi erimus. Et alibi, Psal. xxxv, 10 : In lumine tuo videbimus lumen. Eccli.XXXVI, 1 : Ostende nobis lucem miserationum tuarum.

" Et misereatur nostri. " Ecce secundum. Quasi diceret : Haec praedicta det, et misereatur nostri, " in .his omnibus nos conservet. Gregorius : " Bene cito " perditur, quod a largitore non custodi-" tur. " Ecce iste petit haec quatuor petenda, egressum quatuor fluviorum de paradiso, quadruplicem scilicet gratiam ex Deo, quarum tres primae quae pro- priam irrigent terram, animae scilicet potentiam : quarta vero, circueat totum . Eccli, xl, 17 : Gratia sicut paradisus in benedictionibus, et misericordia in saeculum permanet.''

" Ut cognoscamus. " Hic secundum primae partis totius Psalmi, in quo ponit finem suae petitionis, maxime quantum ad usum illuminationis petitae. Et est duplex ratio, scilicet ut cognoscatur Christus esse via. Secundo, ut cognoscatur Christus esse medicina, ibi, " In omnibus Gentibus. "

Ait enim : Sic Deus misereatur, benedicat, illuminet: et hoc, Deus, fiat, " ut cognoscamus viam iuam," Christum, qui ducit ad te tamquam viam. Joan.XIV, 6 : Ego sum via, et veritas, et vita. Sed quid prodest scire viam, si non ambuletur in ea? Isa. xxx, 21 : Haec via, ambulate in ea : et non declinetis neque ad dexteram,neque ad sinistram. Isa. II, 3 : Docebit nos vias suas, ei ambulabimus in semitis ejus. Et hoc in terra, in vita scilicet ista, quae tenebris est plena. Sed notandum, quod hujus vitae triplex est cognitio. Naturalis, etsi cognoscatur in suo appropriato, quod est sapientia. Ad Rom. I, 20 : Invisibilia ipsius... per ea quae facta sunt, intellecta, conspiciuntur. Gratuita, quae est per fidem. I ad Corinth. xiii, 12 : Videmus nunc per speculum, in aenigmate. Jerem.IX, 24 : In hoc glorietur, qui gloriatur, scire et nosse me. Et gloriosa, qua cognoscetur in patria. I ad Corinth. xiii, 12 : Tunc autem cognoscam sicut et cognitus sum. Sapient.VI, 16 : Cogitare de illa, scilicet Dei sapientia, sensus est consummatus. Et etiam cognoscamus, non tantum in Judaeis : sed " in omnibus Gentibus salutare tuum. " Esse salutare in medicinam omnium salutarem. Luc. iii, 6 : Videbit omnis caro salutare Dei. Et Isa. xlix,

6 : Dedi te in lucem Gentium, ut sis salus mea, usque ad extremum terrae.

" Confiteantur tibi populi. " Hic secunda pars Psalmi, in qua subjungitur omnium admonitio ad confessionem et dicuntur duo. Primo, invitat ad confessionem et laudem pro Christi utili regimine. Ad idem pro Ecclesiae fructificatione, ibi, " Confiteantur, " versu quinto.

In prima tria. Primo, invitat ad confessionem. Secundo, ad spiritualem laetitiam, ibi, " Laetentur et exsultent. " Tertio, assignat utriusque causam, ibi, " Quoniam judicas. "

In prima duo. Primo, invitat ad confessionem simpliciter. Secundo, omnes invitat generaliter, ibi, " Confiteantur. "