Albert the Great, Commentarii In Psalmos

Dicit ergo : Sic faciam, et o Domine, confidenter dico, " introibo in potentias Domini, " id est, virtutes, quae possunt in destructionem vitiorum, fidem scilicet, aliasque consequentes ad illam, quae Domini, quia a Domino sunt. Jacob. I, 17: Omne datum optimum, et omne donum per fecium,desursum est, descendens a Patre luminum. Hoc sanctuarium, de quo in Psal. LXXII, 17 : Donec intrem in sanctuarium Dei, etc. Ad tantam intrans potentiam invenit quietem. Sapient. VIII, 16 : Intrans in domum meam, conquiescam cum illa.

Et o " Domine, memorabor justitiae tu solius, " non legis veteris, vel mundanae, vel meae propriae, quae nulla est. Isa. lxiv, 6 : Quasi pannus menstruatae universae justitiae nostrae. Sed " tuae, " quam facturs es in judicio, omnibus reddens secundum merita. II ad Cor. v, 10: Omnes nos manifestari oportet ante tribunal Christi, ut referat unusquisque propria corporis, prout gessit, sivebonum, sive malum.

Vel, " justitiae tuae, " Christi Filii tui. II ad Cor. I, 30 : Qui factus est nobis sapientia a Deo. Hic solus sit in memoria semper, et sufficit. Bernardus : " Merito jam visiones et somnia non re-" cipio, figuras et aenigmata nolo, ipsos " quoque spiritus angelicos fastidio, om-" nium quippe specierum pulchritudinem " superat Jesus meus, ideo ejus solius memorabor. "

Et hoc : " Quoniam non cognovi litteraturam, " litteralem scilicet respuo legis intelligentiam, de qua II ad Cor, iii, 6 : Littera occidit, spiritus autem vivificat. Vel ad litteram, Litteraturam, " id est, quia simplex fui : multis enim litteratura sua est occasio perditionis. II ad Cor. viii, 1. Scientia inflat. Isa. xxxiii, 16 : Ubi est litteratus ? ubi verba legis-ponderans, sed de factis non curans ?Gregorius : " Nescio quam misera conjura-" tione vitia litteris adhaeserunt. " Alia littera habet, " negotiationem,)) in quo ostenditur quod negotiatores vix salvantur. Osee, XI, 12, Ephraim in negotiatione circumdedit me .

Et nota, quae mala faciat litteratura, hoc est sola scientia litterarum, ubi deest charitas et lumen virtutum. Primo inflat, II ad Cor. viii, 1 : Scientia inflat. Secundo, indignationem generat contra inscios, Eccle. II, 18 : Eo quod in multa sapientia sit indignatio. Et ex hoc t ertio incorrigibilitatem praeparat, Eccli. xii, 13 : Quis miserebitur incantatori, a serpente percusso ? Matth. xv, 13: Quod si sal evanuerit, in quo salietur ? Hominem infatuat, facit enim eum de se credere magna. Jerem. x, 14 : Stultus factus est omnis homo a scientia scilicet sua. I ad Corinth. viii, 2 : Si quis se existimat scire aliquid, nondum cognovit quemadmodum oporteat eum scire. Hinc dicebat Festus ad Paulum, Act. XXVI, 24 : Insanis, Paule: multae litterae te ad insaniam convertunt. Et tandem facit ut magna ambiant, et quae supra se sunt. Sicut patet in Angelo Lucifero, qui perfectus fuit scientia, et decore , et ambivit fieri aequalis Deo .

Ex negotiatione multa mala proveniunt. Ezech. xviii, 16 : In multitudine negotiationis tuae repleta sunt interiora tua iniquitate. Primum malum est, negligentia in laborando, et serviendo Deo. Eccli. xxvi, 28 : Difficile exuitur negotians a negligentia. Cupiditas. De hoc intelligitur illud Eccli. xxvii, 2 : Sicut in medio compaginis lapidum palus figitur ut evadere non possit : sic et inter mediam venditionis et emptionis angustiabitur peccatum, scilicet cupiditatis. Mendacium, Eccli.XXVI, 28 : Non justificabitur caupo, id est, venditor viiii, a peccatis

labiorum suorum. Circumventio, I ad Thess, iv, 6 : Ne quis supergrediatur, neque circumveniat in negotio fratrem suum. Dolositas in male mensurando, Osee, xII, 7 : Chanaam, in manu ejus statera dolosa. Chanaam negotiator interpretatur. Oppressio pauperum, Amos, VIII, 5 et 6 : Quando transibit mensis, et venumdabimus merces : et sabbatum, et aperiemus frumentum, ut imminuamus mensuram, et augeamus siclum, et supponamus stateras dolosas, ut possideamus in argento pauperes et egenos pro calceamentis, et quisquilias frumenti vendamus ? Faenus, Ezech, XXVII, 18 : Damascenus negotiator tuus. Damascenus interpretatur habens sanguinem, et signat faeneratorem, qui sanguinem bibit pauperum. Prov. xxx, 15 : Sanguisugae duae sunt filiae, dicentes : Affer, affer,

" Deus, docuisti me. " Hic tertium, in quo ad persuadendum recolit beneficia : et dicuntur duo. Primo, praecipuum recolit. Secundo, promittit ob hoc se laudaturum, ibi, " Pronuntiabo. "