Albert the Great, Commentarii In Psalmos

Dicit ergo : Sic dixi, quod salutem operatus es in medio terrae : et vere, quia o Domine, " tu confirmasti, " id est, firmata voluntate et recta vocasti a mare, " Gentes fluxibiles, et amaras : et hoc, " " in virtute tua, " quae sola hoc potuit. Psal. lxx, 6 : In te confirmatus sum, dicit Gentium populus, ex utero, ex principio Ecclesiae. Matth. viii, 26 : Imperavit ventis et mari, et facta est tranquillitas magna. Vel, " confirmasti, " reprimendo a peccato, et desiccando. Nahum, I, 4 : Increpans mare, et exsiccans illud. Hoc significatum fuit, Exod. XIV, 21, ubi virtute Domini aquae maris sunt ad instar marmoris solidatae.

" Contribulasti. " Hic secundum, in quo subjungitur de beneficio ereptionis a diabolo : et dicuntur duo. Primo, annihilatio potestatis diaboli. Secundo, membrorum ejus conversio, et conjunctio corpori Ecclesiae, ibi, " Dedisti eum. "

In prima duo. Primo, annihilatio potestatis diaboli in suggerendo peccatum simpliciter. Secundo, in suggerendo superbiam specialiter, ibi, " Tu confregisti. "

Ait enim : Sic confirmasti mare, et " contribulasti capita, " potestates, et peccata, " draconum, " daemonum, " inaquis, " scilicet baptismatis. Hoc significatum fuit etiam Exod. XIV, 23, ubi post aquarum solidationem, ingressi aegyptii sunt submersi Sic potestas et peccata daemonis virtute baptismi. Ezech. xxxvi, 25 : Effundam super vos aquam mundam, et mundabimini ab omnibus inquinamentis vestris. Joel, iii, 18 : Fons de domo domini egredietur, et irrigabit torrentem spinarum, punctiones peccatorum impetuose currentium. Zach, xiii, 1 : Erit fons patens domui David, et habitantibus Jerusalem, in ablutionem peccatoris et menstruatae. Marc. XVI, 16 : Qui crediderit, et baptizatus fuerit, salvus erit.

" Tu confregisti. " Hic secundum, ejus annihilatio in quantum suggerit superbiam specialiter. Quasi diceret : Sic contribulasti capita draconum in aquis, et etiam. " tu confregisti, " comminuendo, annihilando, " capita draconum, " principales et capitales suggestiones daemonis, quae sunt de superbia nostri. De virgine humillima dictum est, Genes. iii, 15, ad serpentem : Ipsa conteret caput tuum. Qui etiam draco dicitur, Apocal. XII, 9 : Projectus est draco ille magnus, serpens antiquus.

" Dedisti eum. " Hic tangitur membrorum ejus conversio ad unitatem Ecclesiae. Ait enim : Sic confregisti, et etiam " dedisti eum, " draconem scilicet, " escam populis aethiopum, " Gentilibus prius nigris, et horridis per peccatum.

Notandum enim, quod quidam illudunt diabolo, sicut qui ad. suggestionem ejus claustrum intrat, et postea perseverat. Job, xl, 24 : Numquid illudes ei quasi avi? Alii suscitant dormientem, qui eum bonis operibus provocant ut se impugnet. Job, m, 8 : Qui parati sunt suscitare Leviathan. Alii ligant, qui rationibus impediunt ne possit nocere. Job,xl,24 : Numquid... ligabis eum, Le- viathan scilicet, ancillis tuis, id est, orationibus Sanctorum, qui infirmos se reputant ut ancillae? Alii concidunt, alios exhortationibus ab ejus unitate separantes, qui erant ejus membra. Job, xl, 25 : Concident eum amici, divident illian negotiatores. Abscinditur ei cauda cum. auferuntur luxuriosi: lingua cum detractores, adulatores, et mali advocati, et haeretici : auris cum talium auditores. Alii conculcant et conterunt concisum, ejus promissiones et comminationes vilipendendo. Ad Rom. XVI, 20 : Deus pacis conterat Sanatam sub pedibus vestris. Alii comedunt, qui ejus membra in corpus Ecclesiae cujus sunt dentes, trahunt, et sibi uniunt, secundum quod hic dicitur. Hinc dictum est Petro, Act. XI, 7 : Surge, Petre, occide, et manduca : haec reptilia, hos serpentes, qui prius fuerant quasi daemones, id est, daemonum membra, Ecclesiae incorpora.

" Tu dirupisti fontes. " Hic est tertium, in quo subjungitur de tertio beneficio, quod est.abundans doctrinae effusio : sed quia non posset hoc bene fieri, nisi perversa cessarent, dicuntur duo. Primo, doctrinae sanctae abundans effusio. Secundo, conclusio, aliarum, ibi, " Tu siccasti, "

In prima duo. Primo, effusio doctrinae per majores praedicatores, et continue officium exercentes. Secundo, per minores, et timore aliquando desistentes, ibi, " Et torrentes. "

Ait enim : Sic cessare fecisti a malo, ad fidem convertisti, et etiam, " tu dirupisti, " ut fluerent abundanter, " fontes, " praedicatores promptos, et in doctrina abundantes. Hoc factum fuit quando Apostolos misit, qui per duodecim fontes repertos in Elim sunt designati , Hi sunt de quibus Isa. xii, 3 : Haurietis aquas in gaudio de fontibus Salvatoris. Isa. xli, 18 : Aperiam in supinis colli-bus flumina, ei in medio camporum fontes, " Ei torrentes, " supple, dirupisti Doctores, sive praedicatores modo fluentes, modo timore mundano vel humano cessantes. In medio camporum " torrentes " dirupisti. De torrentibus iis, Isa. xxxv, 6 : Scissae sunt in deserto aquae, et torrentes in solitudine.

" Tu siccasti, " siccos fecisti, " fluvios Ethan, " quod interpretatur fortis, id est, diaboli, de quo Luc. XI, 21 : Cum fortis armatus custodit atrium suum, in pace sunt omnia quae possidet. Job, xli, 24 : Non est super terram potestas, quae comparetur ei. Hujus fluvii sunt scientiae saeculares physicae, lucrativae, erroneae. I ad Corinth. i, 19 : Perdam sapientiam sapientium, et prudentiam prudentium reprobabo. Isa. XXIX, 14 : Peribit sapientia a sapientibus ejus, stante vento urente, scilicet Spiritu Sancto. Osee, xiii, 15 : Adducet urentem ventum Dominus de deserto ascendentem : et siccabit venas ejus.

" Tuus est dies. " Hic subjungitur beneficii commendatio, et commendatur a potestate in superioribus primo. Secundo, in inferioribus, ibi, " Tu fecisti omnes, " Tertio, in mediis, ibi, " aestatem et ver. "

In prima duo. Primo, ostendit potestatem in effectu corporum superiorum. Secundo, in causa, ibi, " Tu fabricatus es. "