Albert the Great, Commentarii In Psalmos

Dicit ergo : Sic miseri obstinati sunt, sed o " Deusj confitebimur ," confessione iniquitatis, de qua Jacob. v, 16 : Confitemini alterutrum peccata vestra. Et Prov. xxviii, 13 : Qui abscondit scelera sua, non dirigetur : qui autem confessus fuerit, et reliquerit ea, misericordiam consequetur. Et hoc " tibi, " id est, ad honorem et laudem tuam. Josue, VII, 19 : Fili mi, da gloriam Domino Dco Israel, scilicet non quaeras propriam utilitatem, sicut hypocritae, et confitere, scilicet peccatum tuum. Et rem explicat ad majorem confirmationem : " Confitebimur " ad gloriam, et hoc " tibi, " confitebimur, supple, ad nostram confusionem, et contra nos. Psal. XXXI, 5 : Dixi: Confitebor adversum me injustitiam meam Domino.

Vel, " confitebimur " confessione iniquitatis, ut dictum est. " Confitebimur " confessione fidei et laudis, de qua Apostolus ad Hom. x, 10 : Corde creditur ad justitiam, ore autem confessio fit ad salutem. Luc. xii, 8 : Quicumque me confessus fuerit coram hominibus, etc. Vel, " confitebimur, " et iterum confitebimur, ut frequentemus confessionem, Isa. xxiii, 16: Sume citharam , circui civitatem,...bene cane, frequenta canticum. Vel, " confitebimur " universum, integram faciemus confessionem omnium peccatorum, non dimidiantes illam, ad minuendam culpam. Levit. XVI, 21 : Sacerdos... confiteatur omnes iniquitates filiorum Israel, et universa delicta atque peccata. " Et invocabimus, " post confessionem humiliter deprecando, " nomen tuum, " Deum scilicet in auxilium, quia scriptum est, Joel, II, 32 : Omnis qui invocaverit, intus scilicet vocaverit, nomen Domini, salvus erit, dummodo confessio praecesserit, quae cor mundet, aliter Deus non veniret : unde optime praemisit, " Confitebimur. " Sap. 1, 4 : In malevolam animam non introibit sapientia. Propter quod dicit etiam Cassiodorus : " Corda " nostra confessione purgemus, et sic ad " auxilium suscipiendum nomen Dei in"vocare debemus. " Eccli. xviii, 23 : Ante orationem praepara animam tuam.

" Narrabimus mirabilia. Hic tertium. Quasi diceret: Sic confessione facta, et oratione supposita, tunc " narrabimus, " aliis praedicando, " mirabilia tua, " quia aliter non auderemus : ne forte audiremus illud Psal. xlix, 16 et 17 : Quare tu enarras justitias meas, et assumis testamentum meum per os tuum ? Tu vero odisti disciplinam, etc: Post confessionem enim quae purgat a malo, et orationem quae replet bono, narrabimus quae facturus es in judicio. Eccli. xv, 9 : Non ( est speciosa laus in ore peccatoris. Narrabimus etiam mirabilia, quae jam fecisti in universo, de quibus Eccli. XI, 4 : Mirabilia oper Altississimi solius. Job, IX, 10: Qui facit magna, ei incomprehensibilia, ei mirabilia, qquorum non est numerus. Mirabilia quae in caelo, ubi jam pulchrum solium posuisti. Eccli. xliii, 2 : Vas admirabile opus Excelsi Quae in terra, in qua caecos illuniinasti, leprosos mundasti, mortuos suscitasti. Matth.XI, 5 : Caeci vident, claudi ambulant, leprosi mundantur, surdi audiunt, mortui resurgunt. Quae in mari, ubi super fluctus ambulasti, imperio turbidum sedasti . Quae in inferno, quem confregisti, et inde captivos extraxisti. Zach. IX, 11 : Tu quoque in sanguine testamenti tui emisisti vinctos tuos de lacu, in quo non est aqua. Tob. XII, 20 : Narrate omnia mirabilia ejus. Eccli. 17 : Nonne

Dominus fecit sanctos enarrare omnia mirabilia sua ?

" Cum accepero tempus, " Hic est se cunda pars Psalmi, in qua subjungitur promissio de futuro judicio, ut mali terreantur : et dicuntur quatuor. Primo, agitur de tempore judicii. Secundo, de necessitate judicandi, quia omnes,paucis exceptis, sunt corrupti, ibi, " Liquefacta est terra. " Tertio, de publicatione judicii, ibi, " Dixi iniquis. " Quarto, de diversitate judicandorum, ibi, " Ego autem, "