Albert the Great, Commentarii In Psalmos

Dicit ergo : " Deus, " quem vos repellitis, o carnales Judaei, est " notus in Judaea " spirituali, non apud vos. Dicit enim Isaias, I, 3 : Cognovit bos possessorem suum, et asinus praesepe Domini sui, Gentilis populus prius animalis, Israel autem, scilicet populus meus, a meis descendentes, scilicet a Patriarchis, me non cognovit. Et rursum, Jer. VIII, 7 : Milvus in caelo cognovit tempus suum : turtur, convenait pour celebrer un si prodigieux evenement : " chaque trait est (Tune nationalite vivante ; dans nos chants de guerre et de vic toire, les plus energiques expressions de ce genre ne sont que des lauriers fietris. " Herder.

et hirundo, ei ciconia custodiunt tempus adventus sui: populus autem meus non cognovit judicium Dei, Et propter hoc spiritualis Judaea sunt Gentiles, et vera. Ad Roman. ii, 28 et 29 : Non enim qui est in manifesto, Judaeus est: neque equae in manifesto, in carne, est circumcisio : sed qui in abscondito, Judaeus est, et circumcisio cordis in spiritu, non littera. Judaea interpretatur confitens. Qui veraciter confitentur corde per contritionem, ore per confessionem, et opere per satisfactionem. Talibus cognitus est Deus, per abundantis gratiae infusionem, non illis de quibus II ad Timoth. iii, 5 : Habentes quidem speciem pietatis, virtutem autem ejus abnegantes. Nec illis de quibus ad Tit. l, 16 : Confitentur se nosse Deum, factis autem negant. Qui enim ostendit se Deo in pura confessione secundum illud Cantic. II, 14 : Ostende mihi faciem tuam, sonet vox tua, etc, ostendit illi Deus se. Job, xlii, 5 : Nunc oculus meus videt te.

" In Israel. " Hic secundum. Quasi diceret : Sic " in Judaea " spirituali cognitus est : et " in Israel, " supple, spirituali, " magnum nomen ejus, " id est, magnificatur nomen ejus, extollitur, et praedicatur, non In carnali. Illi enim dictum est, Ezechiel. XXXVI, 20 : Et ingressi sunt ad gentes,... et polluerunt nomen sanctum meum. Et ad Roman. II, 24 Nomen Dei per vos blasphematur inter Gentes. Sed de veris Israelitis dicitur illud Matth. IX, 31 : Illi vero diffamaverunt illam, bona diffamatione, in tota terra illa. Et illud Isa. lxii, 6 : Tota die et nocte in perpetuum non tacebunt, ''scilicet laudare nomen Domini.

" Et factus est in pace, " Alia littera, " in Sale, " Id est, in Jerusalem vera et spirituali, scilicet Ecclesia, quae est pacifica. Matth. v, 44 : Diligite inimicos vestros, benefacite his qui oderunt vos. Matth. VIII, 20 : Ubi sunt duo vel tres congregali in nomine meo, per pacem et concordiam, non divisi per rancorem : ibi sum in medio eorum. Locus meus sunt. II ad Corinth. XIII, 11 : Pacem habete, et Deus pacis, et dilectionis erit vobiscum, III Reg. XIX, 11 et 12 : Non in commotione Dominus, et post commotionem ignis : non in igne Dominus, et post ignem sibilus aurae tenuis. Ad hoc monstrandum voluit in Sabbato, quod est dies quietis, quiescere In sepulcro, et ibi Iocari, sed in carnali Jerusalem, quae non quaerit nisi mundana, pax non est, et propter hoc nec potest ibi esse locus Dei. Joan.XVI, 33 : Haec loculus sum vobis ut in me pacem habeatis. In mundo pressuram habebitis : sed confidite, ego vici mundum.

" Et habitatio ejus in Sion, " in vera Sion, scilicet in Ecclesia per fidem Dominum continue speculante. Isa. lxii, 4 : Vocaberis voluntas mea in ea, et terra tua inhabitata : quia, complacuit Domino in te. Ezech. xlviii, 35 : Nomen civitatis ex illa die, Dominus ibidem. Haec est Sion, id est, speculatio, quae Deum speculatur per fidem. I ad Corinth. XIII, 12 : Videmus nunc per speculum in aenigmate : tunc autem, etc. Sicut per Salem pacifici, sic per Sion viri religiosi vel praelati : Sion enim speculum interpretatur, et ipsi debent esse speculum aliis, secundum illud Job, xxxiii, 27 : Respiciet homines, et dicet : Peccavi, et vere deliqui, et, ut eram dignus, non recepi. Per Judaeam ergo confitentes, qui Deum cognoscunt : per Israel clerici, et studentes in sacris Scripturis, qui Deum magnificare debent et praedicare. Per Salem pacifici, qui jam Christum habent quiescentem : per Sion religiosi vel Praelati, qui familiarem, et cohabitantem .

Nota etiam hic, quod locus Dei fuit Virginis uterus, praesepium, crux, et sepulcrum. In primo dejecit superbiam, in secundo divitias, in tertio potentiam mundanam, claudi volens in loco modico.

" Ibi confregit. " Hic secundum totius hujus Psalmi, quamvis aliquantulum aliter sit in Glossa signatum, in quo ostendit ordinem et modum, quo fuerit facta praedicta translatio, quia per dejectionem adversariae potestatis, et manifestationem veritatis, et inmissionem timoris : et secundum hoc dicuntur tria in hac parte. Primo, contrariae potestatis dejectio. Secundo, veritatis manifestatio bonis, quamvis malorum fuerit conturbatio, et dormientium in terrenis, ibi, " Illuminans tu mirabiliter. " Tertio, timoris incussio per praenuntiationem futuri judicii, ibi, " Tu terribilis. "

In prima duo. Primo, dejectio contrariae potestatis. Secundo, specificatio per metaphoras, et figuras, ibi, " Arcum, scutum. "

Dicit enim : Sic notus est in Judaea, magnificus in Israel, locum habens in Salem, et habitat in Sion. Nec mirum, quia " ibi, " in Ecclesia scilicet de Gentibus, " confregit potentias " daemonum, qui in idolis venerabantur. Isa, xlvi, 1 : Confractus est Bel, contritus est Nabo : facta sunt simulacra eorum bestiis et jumentis onera vestra gravi pondere usque ad lassitudinem. Potentiae etiam diaboli appellantur ? munitiones ejus, id est, consilia, machinae, scilicet saeculi potentes, multitudo exercitus, peccatorum diversitates et multitudines, et robur, scilicet obstinati. Sed totum destruxit Dominus per sanctas munitiones, id est, consilia, quia Paulus dicit, II ad Cor. x, 4 : Arma militiae nostrae non carnalia sunt, sed potentia Deo ad destructionem munitionum, consilia destruentes, id est, machinas potentes dejecit, de quibus 1 Machab. VI, 52 : Fecerunt et ipsi machinas adversus machinas eorum, et balistas, et pugnaverunt dies multos. Et multitudines exercituum quae magnae sunt : sed tunc erant maximae. Eccle.I, 15 : Stultorum infini-tus est numerus. Isa. XXIX, 7 : Erit sicut somnium visionis nocturnae multitudo omnium gentium,quae dimicaverunt contra Ariel. Et robur, scilicet obstinatos. Prov. XXI,22: Civitatem fortium ascendit sapiens, et destruxit robur fiduciae ejus.

" Arcum, scutum. " Hic quasi specificat. Et primo tangit eorum quae ordinata sunt ad bellandum destructionem. Secundo, ipsius belli finem, ibi, " Et bellum. "

Ordinata autem tangit tria, quae sunt ad impugnandum, et hoc de longe, et sic " arcus: " aut de prope, et sic " gladius: " aut ad defendendum, et sic " scutum. "