Albert the Great, Commentarii In Psalmos

Et hoc innuitur in titulo, qui talis est: " In finem, pro Idithun, Psalmus Asaph. " Et est sensus: " Psalmus " subjectus convenit " Asaph, " id est, justorum congregationi, et " in finem " Christum nos ex toto dirigens. Loquitur " pro Idithun, " id est, pro transiliente, id est, in persona transilientis omnia, et ad Christum transeuntis, qui clamat Eccli. XXIV, 20 : Transite ad me, omnes qui concupiscitis me.

Psalmus autem hic dividi potest in partes duas principaliter. Primo enim Asaph declarat quomodo, et ad quid in Deum transierit omnibus praetermissis et contemptis. Secundo ostendit, quod dignum sit in illum toto affectu transire, qui tot bona per Christum contulit, ibi, " Viderunt te aquae, "

Prima pars in tres dividitur. Primo, quod in Christum transierit orando, meditando. Secundo, quod ipso invento cogitaverit utrum Deus eum revocaturos sit a peccato et corruptione, ad statum incorruptionis et innocentiae, ibi, " Anticipauerunt vigilias. " Tertio, quid invenerit in hac sua deliberatione, ibi, " Et dixi: Nunc caepi. "

In prima duo. Primo, quod Deum exquisierit. Secundo, quod necessitate compulsus fuerit, ibi, allenuii consolari.))

In prima duo. Primo, quod quaesierit voce. Secundo, quod opere, ibi, " In die tribulationis. "

In prima duo. Primo, quod quaesierit. Secundo, quod frustratus non sit, ibi, " Et intendit mihi, "

In prima duo. Primo, quod voce clamaverit ad Dominum. Secundo, ad quid clamaverit, ibi, " Voce mea ad Deum, "

" Voce mea ad Dominum clamavi, " Ait ergo : Sic, miseri, translata est gloria vestra a vero judice et terribili, cui vota sunt reddenda : et propter hoc ego " clamavi ad Dominum, " non susurravi, vel mussitavi, sicut multi, de quibus lsa. XXIX, 4: Et erit quasi pythonis de terra vox tua, ei de humo mussitabit eloquium tuum. Imo, quod deterius est, sicut aliqui quidam, qui nec os suum aperiunt, de quibus in Psal. CXIII, 5 : Os habent et non loquentur. " Clamavi autem voce mea, " non aliena, et vicaria, sicut multi. Supra, in Psal. lxv, 17 : Ad ipsam ore meo clamavi. Ne cogar dicere illud Psal. XXXI, 3 I Quoniam lacui, per meipsum, inveteraverunt ossamea, dum clamarem tota die per alium. Clamavi sicut ille qui clamat propter ignom. Joel, i, 19 : Ad te, Domine, clamabo : quoniam ignis comedit speciosa deserti. Item, sicut ille qui clamat propter belluam quando vult eum devorare. Bellua enim est culpa. Tob. VI, 2 et 3 : Ecce piscis immanis exivit ad devorandum eum. Quem expavescent Tobias, clamavit voce magna, dicens : Domine, invadit me. Item, sicut ille qui clamat propter latrones : peccata enim latrones sunt, quae spoliant et vulnerant. Luc. x, 30 : Incidit in latrones, qui despoliaverunt eum. Abdiae, v, 5 : Si fures introissent ad te, quomodo conticuisses ? Item, sicut qui clamat propter hostium multitudinem insequentem ad mortem. Exod. XIV, 10 : Levantes filii Israel oculos, viderunt aegyptios post se : et timuerunt valde : ei clamaverunt ad Dominum. Item, sicut clamat homo videns tempestatem irruere super se, sicut Jonae, i, 4 et 5 : Facta est tempestas magna in mari, et navis periclitabatur conteri. Et timuerunt, nautae, et clamaverunt ad Deum suum. Sicut Petrus clamabat ad. Christum, videns tempestatem super se venientem . Sicut ille qui dolet propter vulnerum inflictionem : peccatum enim vulnus pessimum est. Isa. xxxviii, 13 : Quasi leo sic contrivit omnia ossa mea. Et subdit, v. 14 v Sicut pullus hirundinis, sic clamabo. Propter rei multum diligendae amissionem. Exod. XII, 30 : Ortus est clamor magnus in aegypto: neque enim erat domus in qua non jaceret mortuus. Sicut ille qui clamat propter rei dilationem, et clamat ut cito habeat. Sic qui dicebat: Et clamor meus in conspectu ejus, existens moraliter, quia illa quae ibi sunt desidero et affecto, introivit in aures ejus . " Voce mea ad Dominum " facta, et in ipsum tendente, ut ipsum possim habere : ad illud enim est res propter quod fit.

" Et intendit mihi. " Non fraudatus,

non deceptus a proposito. Exod, iii, 7 et 8 : Vidi afflictionem populi mei, in aegypto,...et descendi iit liberarem eum. Adest clamantibus paratus semper adjuvare et liberare. Deut. xxii, 25 et seq., Si corrupta fuerit virgo, et clamaverit, non est rea : si autem non clamaverit, rea erit.

" In die tribulationis. " Hic secundum, in quo dicit se quaesivisse opere : et tanguntur tria. Primo, tempus quando sic quaesierit. Secundo, modus quaerendi, ibi, " Manibus meis. " Tertio, fructus, ibi, " Et non sum deceptus. "