QUAESTIO II.

Utrum in judicio vel post, cessabit motus corporum coelestium ?

D. Thom. in addit, quaest. 91. arl. 2. et hic quaest. 2. art. 2. D. Bonav. art. 2. q. 1 Richard. art. 2. quaest, 2. Durand. quaest. 3. Argent. quaest. 1. art. 4. Suarez 3. p. tom. 2. d. 58. sect. 3. Vide Scot. 5. Met . quaest, 1. et 10. et 4. Phys . quaest. 15. ei 17. ubi Aretin. et 2. d. 2. quaest. 2.

Secundo quaero (a), utrum in judicio, vel post, cessabit motus corporum coelestium? Quod non, Genes. 1. dicitur de luminaribus : Fiant luminaria, etc. et sint in tempora, et signa, et dies, et annos, et quoad hunc finem videntur facta ; sed istud haberi non potest sine motu eorum. Praeterea, Gen. 8. Cunctis diebus terrae oestas et hyems, nox et dies non requiescent.

Praeterea, 6. Metaphys. cap. 7. Semper agit Sol et astra, et totum coelum, non autem est timendum, nequando stct, quod timent, qui de natura ; et subdit quasi probationem duplicem : Pri ma est haec, neque laborant hoec agen tia. Et hanc rationem magis pertractat. 2. de Coel. quae quaestio in hoc stat: Nullum agens cessat movere, nisi in hoc fatigetur. Aliam probationem tangit ibi in 9. Metaph. Non enim secundum potentiam contradictionis inest ipsis, ut corruptibilibus, motus, ut sit laboriosa continuatio motus, quasi minor sit ista. Hic moventia non fatigantur ex hoc quod non sit in eis potentia contradictionis, et adhuc illud suppositum probat ibi, 9. Nam materia, substantia et potentia non actu causa hujus sunt, scilicet contradictionis.

Praeterea, universum non erit imperfectius post judicium quam nunc ; ergo corpora principalia universa non amittent tunc propriam perfectionem aliquam: sed motus est propria perfectio coelestium corporum, vel requiritur ad eorum perfectionem, quia si non, frustra moverentur.

Praeterea, aut motus coeli est naturalis, aut violentus; non violentus, quia primo de Coelo : Nul lum violentum perpetuum ; sed talis motus potest esse perpetuus, si naturalis: ergo quies opposita est violenta, et per consequens illa non erit perpetua.

Oppositum in littera : Tunc non erit vicissitudo diei et noctis. Et probat illud per Zach. 14. Erit dies una, quae nola est Domino, non dies, neque nox. Praeterea, Isidorus de Ordine causarum, lib.i. cap. 5. et ponitur in lit tera: Post judicium sui laboris Sol mercedem suscipiet, et non veniet ad occasum, nec Sol, nec Luna, sed in ordine, quo creati sunt, stabunt, ne impii in tormentis sub terra positi fruantur luce eorum. Unde Habacuc : Sol et Luna steterunt in*ordine suo. Haec Isidorus.