Albert the Great, Commentarii In Psalmos

Dicit ergo : Sic audi, et postea " dilata " confitendo culpam propriam, et Dei laudem, " os tuum, " et confundetur inimicus. I Reg. II, 1 : Dilatatum est os meum super inimicos meos. Et proximus aedificabitur, sicut Paulus aperiebat, I ad Cor. VI, 11 : Os nostrum patet ad vos, instruendos et aedificandos, o Corinthii.

" Et ego adimplebo illud, " gratiam infundendo in animam, in tantum ut redundet per labia exterius. Cassiodorus : " Tunc sensus spirituali gratia repletur, " quando in laudes Domini os dilatatum " esse cognoscitur. " Eccli. XV, 5 : Implevit illum Dominus spiritu sapientiae et intellectus : usque ad labia. Psal. xliv, 3 : Diffusa est gratia in labiis tuis.

Et nota, quod prius dixit, quod eduxit eum de aegypto quam ad apertionem oris, ipsum induceret. Quidquid aperit os in aegypto, cito impletur vilibus, quia non videt. Luc. xv, 16 et 17 : Filius prodigus os implebat de siliquis porcorum, et tamen non satiabatur . Prov. xiii, 25 : Justus comedit, et replet animam suam : venter autem impiorum insaturabilis.

" Et non audivit populus. " Hic secundum, scilicet contemptus populi et inobedientia. In prima duo. Primo, inobedientiae culpa. Secundo, inobedientiae magnitudo et vehementia, ibi, " Et Israel. "

Ait enim : Sed imperavi : " et populus meus, " hoc potest intelligi quantum ad minores, " non audivit " obediendo " vocem meam. " Jerem. XXV,

3 : Locutus sum ad vos de nocte consurgens, et loquens : et non audistis orationem meam. Et tamen in eodem, XI, 4, dicitur: Audite vocem meam,... et eritis mihi in populum, et ego ero vobis in Deum. Magnus fructus, et ex inobedientia magnum est damnum. Bernardus : " Magnum inobedientiae vitium, " quo Angelus caelum, homo paradi-" sum, Saul regnum, Salomon amorem " perdidit divinum. " Magna autem virtus, quando nihil habet de suo in prosperis. Bernardus : "Tanto majus habet " meritum, quanto minus habet propriae " voluntatis admixtum. " Hieronymus : " Quantum propriae voluntati subtraxe-" ris, tantum virtuti adjicies. "

" Et Israel, " cui tantum beneficium contuli, quod Israel ipsum vocavi, " non intendit mihi, " tanto beneficio et tali. Zachar.VII, 11 : Noluerunt attendere, et averterunt scapulam recedentem. Et nota, quod vocem clamantis Dei non audivit Israel, id est, clerici Deum videntes. Primo, quia surdi sunt, Isa. xlii, 19 : Quis surdus, nisi ad quem nuntios meos misi? Et propter hoc in eodem, v. 18 : Surdi audite, et caeci intuemini ad videndum. Clerici aures obturant et tegunt amore peccati, timore satisfaciendi. Psal. lvii, 5 : Sicut aspidis surdae, et obturantis aures suas : una in terra, amore scilicet terrenorum : alia in cauda, timore scilicet finiendi peccatum, et satisfaciendi, quia in tumultu sunt voluptatum et cogitationum tumultuantium. Ob hoc Dominus volens curare surdum, et mutum, eduxit illum extra turbam . Quia non attendunt, sed aliis occupati sunt, sicut hic. Non sic surdi illi, de quibus Baruch, I, 3 : Et legit Baruch verba libri hujus ad aures universi populi venientis ad librum. Quia dormiunt in peccatis suis, Eccli. xxii, 9 : Cum dormiente loquitur, qui enarratstulto sapientiam. Quia nesciunt intelligere linguam Dei, quae non est de terra, sicut ipsi terreni sunt, Joan, iii, 31 : Qui est de terra, de terra est, et de terra loquitur. Psal. lxxxi, 5 : Nescierunt, neque intellexerunt. Quia nolunt ex certa malitia, Hi sunt filii diaboli, de quibus Joan. viii, 47 : Propterea vos non auditis, quia ex Deo non estis. Psal. xxxv, 4 : Noluit intelligere ut bene ageret.

" Et dimisi eos. " Hic tertium hujus partis, scilicet paena pro contemptu tanti beneficii. Et primo tangit paenam damni, quae est in amissione boni jam habiti. Secundo, paenam sensus, ibi, " Et erit tempus. "

In prima duo. Primo, amissio boni jam habiti. Secundo, habendi, si per eos non stetisset, ibi, " Si populus meus. "

In prima duo. Primo, amissio et subtractio gratiae conservantis eos. Secundo, effectus sequens ex amissione illa, ibi, " Ibunt in adinventionibus suis. "