Albert the Great, Commentarii In Psalmos

Dicit ergo : Sic corde cogitaverunt, et " dixerunt " ore, se mutuo exhortando : " Venite, et disperdamus eos, " sanctos scilicet Dei, " de gente. " Hoc est invitatorium diabolicum. Sapient.II, 1, 6,12 : Dixerunt cogitantes apud se non recte :... Venite.... circumveniamus justum. Et Jerem.XI,19 : Dixerunt impii: Venite, eradamus eum de terra viventium. Invitatorium autem carnis est illud Sapient. ii, 6 : Venite, fruamur bonis quae sunt, et utamur creatura tamquam, etc. Et post, v, 8 : Nullum pratum sit, quod non pertranseat luxuria nostra. Invitalorium autem mundi, Proverb.I, 11 et 13 : Veni nobiscum, insidiemur sanguini... Omnem pretiosam substantiam reperiemus. Exod, I, 10 : Venite, sapienter opprimamus cum, scilicet populum Israel. " Quoniam cogitaverunt. " Hic secundum, in quo tacta eorum malitia, hic tangitur ipsorum in malo concordia universalis. Et primo, tangitur illorum concordia ad malum. Secundo, signanter nominantur qui concordant in illud, ibi, " Adversum te testamentum. "

Ait enim : Sic corde, ore, et opere maligni sunt, propter quod non compescaris. Et etiam, " quoniam cogitaverunt " interius deliberando, " unanimiter, " simul. Unanimitas refertur ad identitatem cordium et animorum, simul ad congregationem et universalitatem personarum. Dan. XIV, 27 et 28 : Quod cum audissent Babylonii indignati sunt vehementer : et congregati adversus regem, dixerunt :... Trade nobisDanielem. Mali enim, primo rumpunt confoederationem, quam habent cum Deo et sanctis, et post confoederantur contra Deum et sanctos cum ipso diabolo. Isa. xxviii, 15 : Percussimus foedus cum morte, et cum inferno fecimus pactum, Isa. xxxiv, 15 : Illuc congregati sunt milvi, alter ad alterum, et fortiter ad invicem colligati. Judic. xv, 4, Vulpes Samsonis, etsi diversas habebant facies, habebant tamen caudas ad invicem colligatas 1. Job, xl, 12 : Nervi testiculorum Behemoth, illi per quos diabolus generat, perplexi sunt. Et sicut dicit Hieronymus, " magna confusio, " quod vix inveniuntur boni ita conjun-" eli ad bonum, sicut membra diaboli " fervent et uniuntur ad malum. " Hieronymus : " Infelix populus, qui non " habet tantam in bono concordiam, c( quantam mali in malo : omnia enim " sustinent mali discrimina, ut suas " compleant voluntates. "

" Adversum te testamentum, " Hic secundum, specificatio illorum qui congregantur : et tangit undecim gentes, in quibus undecim vitia designantur, quibus impugnatur Deus.

Ait enim : Hoc dixi, quod simul cogitaverunt, et etiam " tabernacula Idumaeorum, " id est, Idumaei, qui in tabernaculis habitabant, sicut eorum pater Edom, id est, Esau. Cantic.I, 4 : Nigra sum, sed formosa, sicut tabernacula Cedar. " Disposuerunt testamentum, " id est, indissolubiliter ordinaverunt, sicut testamentum indissolubile. Sap. I, 16: Sponsiones posuerunt ad, illam, mortem scilicet, ut convivant simul. Et hoc " adversum te " conjurando. Isa. viii, 12 : Omnia quae loquitur populus iste, conjuratio est, Idumaeus autem interpretatur sanguineus, et significat homicidas, qui sanguinei recte dicuntur, quia sanguinis effusores : et his Dominus minatur tamquam inimicis. fsa. xxxiv, 5 : Ecce super Idumaeam descendet gladius, ei super populum interfectionis.

" Et Ismahelitae " similiter disposuerunt testamentum, supple, ab isto descenderunt, qui populum Dei impugnaverat, secundum illud quod dictum est Genes. XVI, 12 : Manus ejus contra omnes, et manus omnium contra eum : et signat schismaticos et rebelles. Interpretatur autem Ismael obediens sibi, et signat gulosos, qui deos faciunt ventres, quibus in omnibus obediunt. Ad Philip.III, 19 : Quorum Deus venter est. Sed horum tabernacula sic disponentium testamentum contra Deum, destruentur. Job, VIII, 22 : Tabernaculum impiorum non subsistet. Isa. XXIV, 20 : Auferetur quasi tabernaculum unius noctis,

" Moab et Agareni, " ad litteram cum illis fuerunt. Sed per Moab, qui interpretatur ex patre, signantur haeretici, quibus proprie dicitur illud Joan. viii, 44 : Vos, eae patre diabolo estis. Et maxime, quia omnes sunt superbi : et de Moab dicitur, Isa. XVI,6 : Audivimus superbiam Moab, superbus est valde. Item, ex adulterio nati fuerunt Moabitae : sic haeretici generantur ex adulterio cum Scriptura. II ad Corinth. ii, 17 : Non sumus sicut plurimi, doctores scilicet haereticorum, adulterantes verbum Dei,

" Agareni, " ad litteram dicebantur de Agar descendentes, et interpretantur suscitantes festa, et designantur per eos otiosi et pigri, qui non cessant somniare festa, ut in illis vacent, non contemplationi, sed luxuriae, et crapulae, et ebrietati. Thren.I, 7 : Viderunt eam hostes, et deriserunt sabbata ejus. Isa. I, 13 : Neomeniam et sabbatum, et festivitates alias non feram. Eccli. xxxiii, 29 : Multam malitiam docuit otiositas.

" Gebal, " ad litteram quis iste fuerit sive nomen populi vel personae, non recolo me legisse. Dicunt autem quidam magistrorum, quod populus quidam, id est, Lebah Lebal autem interpretatur, sicut vult Glossa, vallis vana, et designat hypocritas, qui vane humiliantur, secundum illud Eccli.XIX, 23 : Est qui nequiter humiliat se, et interiora ejus plena sunt dolo.

" Et Ammon, " populus qui descendit de Loth, per filiam minorem . Interpretatur populus turbidus, et signat iracundos, et pacis turbato res. Proverb. XXIX, 22 : Vir iracundus provocat rixas : et qui ad indignandum facilis est, erit ad peccandum proclivior.

" Et Amalec, " qui fuit illius Oliphat, primogeniti Esau, a quo populus Amalecitarum, contra quem pugnavit populus Dei . interpretatur autem lingens terram, per quod intelliguntur avari. Mich. vii, 17 : Lingent pulverem, sicut serpentes. Et in Psal. lxxi, 9 : Inimici ejus terram lingent.

" Alienigenae, " id est, Philisthaei.: sic enim accipitur, ut vult Glossa, unde Graeca littera habet " Philisthiim : " et interpretatur Philisthiim potione cadentes, per quod intelliguntur gulosi, et ebriosi Luc. XIX, 34 : Attendite vobis, ne forte graventur corda vestra in crapula et ebrietate. Joel, i, 5 : Expergiscimini ebrii, et flete, et ululate omnes, qui bibitis vinum in dulcedine.

" Cum habitantibus Tyrum. " Tyrii ad litteram vicini erant, et frequenter eos impugnabant. Tyrus enim interpretatur angustia. Habitantes ergo Tyrum, sic in angustia existentes : et hi sunt invidi, qui omni bono aliorum torquentur, et ipsum suum vitium est eis tormentum, secundum illum Horatii :

Ezech, xxvii, 26. Ventus auster, prosperitas scilicet visa a malis, contrivit te, o Tyre, in corde maris.

" Etenim Assur venit cum illis, " ad. componendum istud pessimum testamentum. De isto scitur quoniam inimicus fuit populo Dei, et ipsum destruxit : imo caput fuit omnium aliorum in destructione,ipse scilicet Nabuchodonosor, de quo Isa. x, 5 : Vae Assur, virga furoris mei, et baculus ipse est, in manu eorum indignatio mea. Assur autem interpretatur tollens robustum, vel tollens asperitatem, et significat luxuriam, quae fortes crnoil.it et enervat, sicut factum est in Samsone, qui. per mulierem sic emollitus est, ut ab inimicis captus vinceretur . Interpretatur etiam vilitas : et hoc quia hominem vilem reddit. Jerem.II, 38 : Quam vilis facta es nimis, iterans vias tuas I Eccli, IX, 10 : Omnis mulier, quae est fornicaria, quasi stercus in via conculcabitur.

" Facti sunt in adjutorium filiis Lot, " omnibus descendentibus de Moab et Ammon ad. impugnandum Dei populum. Lot autem declinans interpretatur, et significat apostatas declinantes ab eo quod promiserunt. Psal. cxxiv, 5 : Declinantes in obligationes, adducet Dominus, etc. Lot etiam interpretatur conclusus, et signat desperantes, qui. vere in manibus inimici sunt conclusi, contra quod David gratias agebat supra, in Psal. xxx, 9 .: Nec conclusisti me in manibus inimici : statuisti in loco, etc. Et alibi, in Psal. xxxiv, 3, imprecatur adversariis : Conclude adversus eos qui persequuntur me. Et nota, quod undecim genera malorum tetigit,ut ostendat tot esse transgressores : transgressionis enim numerus est undenarius. Vide etiam, quod isti omnes venientes ad bellum contra sanctos habent propria signa in vexillis et in scutis. Haeretici enim deferunt in vexillo et in scuto imaginem lupi. Schismatici bubonis, quem omnes aves invadunt. Superbi unicornis. Acediosi et pigri gliris, quod est animal quod adoravit Cato mense uno. Hypocritae scorpionis, qui blanditur facie, sed cauda pungit acerrime. Iracundi leonis. Avari talpae, quae non cessat terram super se fodere. Gulosi porci.,Invidi tigris, quia dicitur quod foetibus suis nigris invidet. Luxuriosi asini, vel hyenae. Desperantes, hominis se in fluvium praecipitantis, vel laqueo suspendentis.

" Fac illis sicut Madian. " Hic est secunda pars totius hujus Psalmi, in qua determinat ipsam paenam, qua vult eos puniri, sic in Deum et in suum populum insurgentes : et dicuntur duo. Primo, in forma imprecationis paenas obstinatorum et incorrigibilium prophetat. Secundo, ad incorrigibiles et obstinatos descendit specialiter, ibi, " Imple facies. "

In prima duo. Primo, imprecatio prophetando paenam eorum in praesenti. Secundo in futuro, ibi, " Sicut ignis. "

In prima duo adhuc. Primo, imprecando prophetat eis paenam mortis temporalis. Secundo, captivitatis, ibi," Deus meus, pone illos. "

In prima duo. Primo, imprecatur minoribus. Secundo, majoribus, ibi, " Pone principes, "

In prima duo. Primo, imprecando paenam prophetat. Secundo, specificat et determinat quae est illa paena, ibi, ((Disperierunt in Endor, "

In prima dicuntur tria, secundum tria exempla, juxta quae petit illos puniri. Primo, sicut puniti fuerunt Madianitae. Secundo sicut Sisara, ibi, " Et Sisarae. " Tertio, sicut iabin rex Chanaan, ibi, " Sicut Iabin in torrente. "