Albert the Great, Commentarii In Psalmos

Dicit ergo : Haec petii ut nos convertas, et ab ira avertaris, quod totum ut fiat, rogo," Domine " Deus Pater, " ostende nobis, " manifestando in assumpta carne " misericordiam tuam, " Christum scilicet : ipse enim illa misericordia est, de qua Apostolus, ad Tit. iii, 5 : Non. ex operibus justitiae quae ferimus nos, sed secundum suam, misericordiam salvos nos fecit. Ostende ergo Christum ut lumen ad illuminandum caecos et obtenebratos, Eccli. xxxvi, I : Ostende nobis lucem miserationum tuarum. Usa. IX, 8 : Habitantibus in regione umbrae mortis, lux orta est eis. Ut exemplum ad. nos humiliandum, Joan, xiii, 15 : Exemplum dedi vobis, ut quemadmodum ego feci, ita et vos faciatis. Ut viam ad ambulandum recte ad patriam, Joan. .XIV, 6.:. Ego sum via,et veritas, et vita. Isa. xxxv,. 8: Haec erit vobis directa via, ita ut stulti non errent per eam. Ut animatorem ad. patiendum, Ad Hebr.XII, 1-2 :Curramus ad propositum nobis certamen, adspicientes in auctorem fidei,et consummatorem Jesum, I Petr.II, 21 : Christus passus est pro nobis, vobis relinquens exemplum, ut sequamini, etc. Vel reclamatorium ad nos revocandum, Joan, XII, 32 : Ego, si exaltatus fuero a terra, ostendens carnem rubeam in cruce, omnia traham ad me, Matth, XXIV, 28 : Ubicumque fuerit corpus, congregabuntur et aquilae . Ut advocatum pupillorum ignorantium, secundum illud 1 Joan. ii, 1 : Advocatum habemus apud Patrem, Jesum Christum, etc. Ut medicum aegrotantium, Matth.IX, 12, de seipso loquens Dei Filius, ait : Non est opus valentibus medico, sed male habentibus. Et tandem ut praemium et bravium laborantium et currentium, de quo Apostolus, I ad Cor. IX, 24 : Omnes quidem currunt, unus autem accipit bravium,

" Ei salutare tuum, " ipsum scilicet Christum, nobis in incarnatio ne ostensum, " da nobis " in ipsa passione, ut sit hostia pro nobis. Genes. xlix, 18 : Salutare tuum exspectabo, Domine. Luc. ii, 30 : Viderunt oculi mei salutare tuum. Hieronymus : " Jesum quem con-" fitemur rogemus, ut mereamur ejus ad-" ventus luce illustrari, ejus via dirigi, " veritate corrigi, et vita locupletari. " Et ego addo : Et morte redimi. Parvulus enim natus est nobis, et Filius datus est nobis .

Audiam quid loquatur. " Hic est tertia pars, in qua. postquam futuras benedictiones praedixit, etsecundo ut impleantur petiit, hic tertio insinuat quali ter ista cognoverit, et quo ordine complendum sit. Secundum hoc dicuntur duo. Primo, qualiter Christum venturum ad pacificandum hominem Deo, et ipsum hominem salvandum cognoverit, quia Deo loquente in se. Secundo, qualiter veniens, quae bona contulit, ibi,. " Verumtamen prope timentes. "

In prima duo. Primo, promittit propheta quod audiet in se loquentem Deum Secundo, ostendit quid audiet a. loquente, ibi, " Quoniam loquetur pacem. "

Ait ergo : Sic venit, et oravi quod sic fiat. Sed unde hoc scire potes? Ecce : " Audiam " auditu auris intelligentiae, et aversus a mundi strepitu, " quid loquatur in me Dominus Deus. " Loquitur Deus in suis, teste Paulo, II ad Corinth. xiii, 3 : An experimentum quaeritis ejus, qui in me loquitur Christus? Matth. x, 20 : Non enim vos estis qui loquimini, sed Spiritus Patris vestri, qui loquitur in vobis, Osee, II, 14 : Ducam eam in solitudinem, et loquar ad cor ejus. Loqui autem in ipso est inspirare ei quod vult ei revelare, quod fit ipsam veritatem aliquando cordi intimando et monstrando, sicut factum est in isto, ut in proloiigo hujus libri dicitur .

Aliquando mediante bono Angelo, Zach, I, 13 : Angelus Domini loquebatur in me verba bona, et consolatoria, non malus Angelus, qui in multis loquitur, III Reg. XXII, 22 : Ero spiritus mendax in ore omnium prophetarum. I Joan.IV, 1, dicitur propter hoc: Nolite credere omni spiritui, sed probate spiritus utrum ex Deo sint,

" Quoniam loquetur. " Hic secundum, quid loquetur, quia pacem duplicem. Primo, Dei ad Judaeos. Secundo, ad Gentiles omnes, ibi, " Et in eos qui convertuntur. in prima duo. Primo, pacificatio cum Judaeis. Sed quia non universaliter cum omnibus, ostendit cum quibus de illis, ibi, " Et super sanctos. "

Ait ergo : Sic audiam quid loquatur in me : et quid illud? " Quoniam loquetur tandem pacem in plebem suam. " Hoc est dictu : Pacificabitur tandem plebi suae, scilicet Judaeis, qui sunt ejus plebs specialiter. Deuter.VII, 6 : Elegit te Dominus Deus tuus, ut sis ei populus peculiaris. Isa. xxvii, 5 : Pacem faciei mihi. Vel, " loquetur pacem, " quia mittet ad eos Filium, qui erit pax eorum, Ad Ephes.II, 14 : Ipse est pax nostra, qui fecit utraque unum. Qui pacem dabit, Joan.XIV, 27 : Pacem reliquo vobis, pacem meam do vobis. Et pacem praedicabit, et per se, et per suos, Isa. lvii, 19 : Creaui fructum labiorum pacem. Joan. XVI, 33 : Haec locutus sum vobis, ut in me pacem habeatis.

" Et super sanctos suos. " Hic specificat super quos de plebe loquetur pacem, Quia " super sanctos suos. "

Ait enim : Sic loquetur pacem in plebem, et " super sanctos suos, " bonos et justos de Judaeis, non super perversos, et in malitia obstinatos : super illos quibus loquens Petrus ait, I Petr.II, 9 : Vos estis genus electum, regale sacerdotium, gens sancta. Super hos loquetur pacem : quia et ad seipsum, et ad se invicem reddit pacificos, et charitate conjunctos. Act. IV, 32 : Multitudinis credentium erat cor unum et anima una : ut sancti qui erant in terra de Judaeis, essent etiam unum cum sanctis, qui in caelo erant, scilicet Angelis. Ad Coloss.I, 20 : Pacificans per sangui nem crucis ejus, sive quae in caelis sunt, sive quae in terris. Et " in eos. " Quasi diceret : Pacem loquetur ad Judaicam plebem, et etiam " in eos " generaliter qui convertuntur " ad cor, " ad propriam interius rationem, seipsos arguentes, quod coluerint deos fictitios, quod est omnino contrarium rationi. Abit enim homo per culpam, et maxime infidelitatis a corde suo, et ipsum perdit. Osee, VII, 11 : Et factus est Ephraim quasi columba seducta non habens cor. Sed convertitur ad se per paenitentiam. Propter hoc clamat in Isa. xlvi, 8 : Redite, praevaricatores, ad cor.

" Verumtamen prope timentes . " Hic secundum, in quo postquam ostendit qualiter praedicta cognoverit, quia Deo loquente in seipso, hic ostendit qualiter veniens, quae dona contulerit : et dicuntur duo, Primo, ad quos venerit primo et specialiter. Secundo, quae contulerit veniens, ibi, " Misericordia et veritas.

In prima duo. Primo, quod ad Judaeos venerit. Secundo, ad quae loca specialiter declinaverit, ibi, " Ut inhabitet. "

Ait enim : Sic loquetur pacem : " Verumtamen salutare ipsius, " Dei scilicet Patris, hoc est, Filius, supple, erit " prope timentes eum, " Iudaicum scilicet populum, qui solus non daemonia timebat, sed Deum, ita quod proprie quidem natus est de illa gente. Joan.IV, 22 : Salus ex Judaeis est. Et in tantum prope, " ut gloria ejus, " supple, scilicet Patris, hoc est Filius, (Prov. xiii, 1 : Filius sapiens doctrina Patris), " inhabitet in terra nostra, " in Judaea, stricte sumendo Judaeam. Natus enim fuit in Bethleem, Mich. v, 2 : Et tu Bethlehem Ephrata, parvulus

es in millibus Juda : ex te mihi egredietur qui sit dominatur in Israel. In Jerusalem praedicavit frequentissime, et docuit, Isa. xlvi, 13 : Dabo in Sion salutem, et in Israel gloriam meam. Zach, ii, 10 : Ecce venio, et habitabo in medio tui. Agg. ii, 10 : Magna erit gloria domus istius novissimae plusquam primae.

Moraliter autem prope timentes est salutare, quia soli timentes Deum saluti appropinquant. Psal. cxliv, 19 : Voluntatem timentium se faciei, etc. Quid volunt nisi salvari ? Isti, sunt qui convertuntur ad cor. Eccli.XXI, 7 : Qui timet Deam, convertetur, ad cor suum : ei Deus salvabit ipsum, quia Act. x, 34-35 : In veritate comperi, quia non est personarum acceptor Deus : sed in omni gente, qui timet eum, ei operatur justitiam, acceptus est illi. Et in tantum prope salutate sunt, ut in ipsa eorum terra, in corpore scilicet, " inhabitet gloria : " in corpore enim tandem glorificabuntur. Ad Philip, iii, 20 : Salvatorem exspectamus Dominum Jesum Christum, qui reformabit corpus humilitatis nostrae , etc. I ad Corinth. XV, 43 : Seminatur in ignobilitate, surget in gloria,.

" Misericordia ei veritas. " Hic secundum hujus partis, in quo ostendit, quae bona veniens illis praestiterit, ad quos venit, et quomodo, et per quid. Primo, ergo ostendit quae bona praestiterit. Secundo, quomodo, et per quid, ibi, " Veritas de terra. "

In prima dicuntur quatuor. Primo, tangitur misericordiae beneficium in Gentium vocatione ad fidem. Secundo, veritatis in promissi adimpletione, ibi, " Et veritas. " Tertio, decoris justitiae in peccatorum punitione, ibi, " Justitia. " Quarto, pacis et concordiae Dei ad hominem, quod causatum est ex justitia, ibi, " Et pax. "