Albert the Great, Commentarii In Psalmos

Dicit ergo : Sic gloriosa dicta sunt de te, civitas Dei (mutat enim personam Propheta, et loquitur in persona Dei " memor ero, : " recipiendo in hanc civitatem, " Rahab ", id est, significatae Gentilitatis per Rahab, de qua habetur Josue, II, 1 et seq., quod Rahab recepit exploratores, et per coccinum in fenestra salvata est. Sic Gentilitas recepit praedicatores, et per passionem Christi impressam in fronte et in memoria liberata est.

" Et Babylonis, " id est, Gentilitatis per Babylonem designatae, existentis in confusione infidelitatis et perversae operationis. Non enim Dominus ignorat suos, quos elegit, quantumcumque remoti videantur. II ad Tim. ii, 19 : Cognovit Dominus qui sunt ejus, Novit autem memoriter et ad bonum. II Esdr. v, 19 : Memento mei Deus meus in bonum : quod et facit si volueris paenitere, etsi Rahab fueris, et Babylon. Isa. xxiii, 16 : Sume citharam, circui civitatem, meretrix oblivioni tradita : bene cane, frequenta canticum, ut memoria tui sit. Et de Babylone, idem, xiii, 19 : Et erit Babylon illa gloriosa in regnis.

Et hoc, " scientibus me, " id est, per scientes me, per Apostolos scilicet, et praedicatores, quibus praecipiam tales ad fidem recipere, Judaeis contemnentibus derelictis. Act. xiii, 46 et 47 : Quoniam repellitis illud, scilicet verbum Dei, et indignos vos judicatis aeternae vitae, ecce convertimur ad Gentes : sic enim praecepit nobis Dominus. Sic impletum est illud, quod dixit Dominus Pharisaeis : Publicani et peccatores praecedent vos in regnum Dei . Ad Roman. xv, 21 : Quibus non est annuntiatum de eo, videbunt . Et Isa. lv, 5 : Et gentes, quae te non cognoverunt, ad te current.

" Ecce alienigenae, " aliunde nati quam de Judaea, de qua supra, in Psal. lxxv, 2 : Notus in Judaea Deus : et non prope, imo in distantia propriae voluntatis et morum. " Et Tyrus : " nec solum, imo cum ipsis existentes in distantia locorum,scilicet upopulus aethiopum, " III omnes " fuerunt illic, " in illa civitate congregati .de alienigenis. Isa. lx, 10 : aedificabunt filii peregrinorum muros tuos. Et rursum, lx, 4 : Filii tui de longe venient, et filiae tuae de latere surgent.

De vocatione Tyri innuebat Dominus, Matth.XI, 21 : Si in Tyro et Sidone factae essent virtutes, quae factae sunt in vobis, olim in cilicio ei cinere paenitentiam egissent. Et in cap. xv, 28, dictum est mulieri Syrophenissae : 0 mulier, magna est fides tua. De aethiopia, in Psal. lxvii, 32 : aethiopia praeveniet manus ejus Deo. Sophon. iii, 10 : Ultra flumina aethiopiae, inde supplices mei.

Per haec autem quinque, quae tanguntur in his duobus versibus, designantur peccatorum diversitates. Per Rahab, peccatis expositi. Per Babylonem, multitudine peccatorum confusi Per alienigenas, in inventionibus peccatorum innaturalibus, in quibus nati non sunt, defixi. Per Tyros, in peccatis adimplendis.ardentes et anxii : Tyrus enim interpretatur angustia, Per aethiopes nigros, inseparabilitas, Jerem. xiii, 23 : Si mutare potest aethiops pellem suam, etc. Nahum, x, 10 : Facies omnium eorum sicut nigredo ollae : in peccatis obstinati.

Hos autem omnes Ecclesia recipit, hos Maria in se colligit, secundum quod ei dictum est, Isa. XVI, 3 et 4 : Pone quasi noctem umbram tuam in meridie: absconde fugientes, et vagos ne prodas. Habitabunt apud te profugi mei: Moab, esto latibulum eorum a facie vastatoris, c( Numquid Sion dicet : Homo. " Hic est secundum primae partis totius hujus Psalmi, in quo subjungitur commendatio ab ipso fundatore, qui est verus Deus et homo, quamvis hoc videatur Synagogae incredibile : et dicuntur duo. Primo, commendatio ab ipso fundatore, quem describit. Secundo, responsio quaestioni quae fieri posset, qualiter istud cognovit, ibi, " Dominus narrabit in scripturis populorum. "

In prima duo. Primo, asserit fundatorem Deum et hominem. Secundo, ostendit in Synagoga infidelitatem secundum unam litteram, et veram litterae ordinationem.

Ait enim : Sic fundata est civitas, ex talibus aedificata : quod valde est mirabile et gloriosum. " Homo et homo natus est in ea, " in ipsa Ecclesia, quantum ad partem etiam militantem. Isa. IX, 6 : Parvulus natus est nobis. Parvulus homo parvulus factus. Matth. I, 20 : Quod in ea natum est, de Spiritu sancto est. " Et ipse " existens " Altissimus, " id est, Deus : " fundavit eam. " Luc. I, 35 : Quod nascetur ex te Sanctum, vocabitur Filius Dei. Et fundator ejus. Isa. liv, 11 : Fundabo te in sapphiris, in Aposto lis, et Prophetis, sicut supra dictum fuit. Ad Hebr.XI, 10 : Abraham... exspectabat fundamenta habentem civitatem : cujus artifex et conditor Deus. Imo in seipso fundavit eam, tamquam in primo fundamento. I ad Corinth. iii, 11 : Fundamentum aliud nemo potest ponere, praeter id quod positum est, quod est Christus Jesus. Isa. xxviii, 16 : Mittam in fundamentis Sion lapidem, lapidem probatum, angularem, pretiosum, in fundamento fundatum.

Sed " numquid homo " aliquis, quantumcumque eloquens dicet hoc? id est, persuadebit Sion, ut ipsa hoc credere possit ? Quasi diceret: Non. Habac. I, 5 : Opus factum est in diebus vestris, quod nemo credet cum narrabitur. Credit enim Sion ipsum purum hominem, et non Deum, quia videbat ejus carna- lem matrem et consanguineos. Matth. XII, 47 : Ecce mater tua, et fratres tui foris stant quaerentes te. Et in cap. xiii, 55 : Nonne hic est filius fabri, etc. Joan. XIX, 5 : Et dicit eis Pilatus : Ecce homo : non, Ecce Deus.

Secundum ergo istam litteram et lecturam, Sion hic dicitur Synagoga. Vel secundum eamdem potest legi, ut Sion dicatur Ecclesia. Quasi diceret : Sic natus in ea homo fundavit eam verus Deus. Sed " numquid homo " dicet hoc, id est, persuadebit per se Sion, id est, Ecclesiae? Quasi diceret: Non poterit nisi virtute Spiritus sancti hoc persuadere. Matth. x, 20 : Non enim vos estis qui loquimini, sed spiritus Patris vestri, qui loquitur in vobis. Luc. XXI, 15 : Ego dabo vobis os et sapientiam, cui non poterunt resistere et contradicere omnes adversarii vestri.

Secundum aliam litteram, quae sic habet : " Mater Sion dicet homo, " etc., legitur dupliciter. Primo ut sit ratio congregandi Gentiles ad Ecclesiam, sic : Ita venient Gentiles,et erunt de Ecclesia : sed unde erit hoc? Quia homo dicet, " Sion mater, " supple, mea es, et ipse, qui hoc dicet, est "in ea natus homo, " et tamen " ipse " existens " Altissimus fundavit eam. " Vel sic ut sit increpatio Synagogae infidelis. Quasi diceret: Sic fundabitur civitas gloriosa, sed mater Sion, id est, Synagoga infidelis et misera, quae mater est Ecclesiae primitivae, ut Sion genitivi casus sit, dicet : Homo purus est Christus. Et tamen " homo natus est in ea, et ipse fundavit, etc. " Unde ipsa mater talis est increpanda, quae proprium de se natum filium non agnoscit. Isa. i, 3: Cognovit bos possessorem suum, et asinus praesepe domini sui: Israel autem me non cognovit, et populus meus non intellexit.

" Dominus narrabit. " Hic secundum, scilicet responsio anthypaphorae. Posset enim quaeri: Unde hoc nosti? Et respon- det : Quoniam ex Scripturis, quas describit a duobus : ab auditoribus illarum, quibus quasi transmissae sunt: et auctoribus illarum, illis, inquam, a quibus editae sunt, ibi, " Et principum. "